Labels

Apilepsy Dengue fever natural bleach Polycystic Ovarian Disease (PCOD or PCOS) Sinusitis അകാല നര അപകടങ്ങള്‍ അപസ്മാരം അമിതവണ്ണം അരിഷ്ടങ്ങള്‍ അര്‍ബുദം അലര്‍ജി അസിഡിറ്റി അസ്ഥി വേദന അറിവുകള്‍ ആണിരോഗം ആര്‍ത്തവ പ്രശ്നങ്ങള്‍ ആര്യവേപ്പ് ആസ്ത്മ ആഹാരക്രമം ഇഞ്ചി ഇരട്ടി മധുരം ഉപ്പൂറ്റി വേദന ഉലുവാ ഉഷ്ണ ഭക്ഷണം ഉറക്കത്തിന് എരുക്ക് എള്ള് ഏലക്ക ഒറ്റമൂലികള്‍ ഓര്‍മ്മശക്തി ഔഷധ സസ്യങ്ങള്‍ കടുക് കണ്ണ് വേദന കഫക്കെട്ട്‌ കരൾ സുരക്ഷ കരിംജീരകം കര്‍പ്പൂരം കറ്റാര്‍വാഴ കാടമുട്ട കാല്‍പാദം കുങ്കുമപ്പൂവ് കുട്ടികളുടെ ആരോഗ്യം കുര അഥവാ കാസം കൂര്‍ക്കംവലി കൊടിഞ്ഞി കൊളസ്ട്രോൾ കോഴിമുട്ട ക്യാന്‍സര്‍ ഗര്‍ഭകാലം ഗര്‍ഭരക്ഷ ഗൈനക്കോളജി ഗ്രാമ്പൂ ചര്‍മ്മ സൌന്ദര്യം ചികിത്സകള്‍ ചുണങ്ങ്‌ ചുമ ചെങ്കണ്ണ്‌ ചെന്നികുത്ത്‌ ചെവിവേദന ചെറുതേന്‍ ഛര്‍ദ്ദി ജലദോഷം ജാതി പത്രി ജീവിത ശൈലി ഡെങ്കിപ്പനി തലമുടി ആരോഗ്യം തലവേദന തീപ്പൊള്ളല്‍ തുമ്പ തുളസി തേങ്ങാ തൈറോയിട് തൈറോയിഡ് തൊണ്ടവേദന തൊലിപ്പുറം തൊഴുകണ്ണി ദഹനക്കേട് നഖങ്ങള്‍ നടുവേദന നരക്ക് നാട്ടറിവ് നാഡീ രോഗങ്ങള്‍ നാസാ രോഗങ്ങള്‍ നിത്യ യൌവനം നുറുങ്ങു വൈദ്യം നെഞ്ചെരിച്ചില്‍ നെയ്യ് നെല്ലിക്ക നേന്ത്രപ്പഴം പച്ചമരുന്നുകള്‍ പനി പനി കൂര്‍ക്ക പല്ലുവേദന പാമ്പ്‌ കടി പുഴുക്കടി പേശി പൈല്‍സ് പ്രതിരോധ ശക്തി പ്രമേഹം പ്രവാചകവൈദ്യം പ്രോസ്‌റ്റേറ്റ് പ്ലേറ്റ്ലറ്റ് ബുദ്ധി വളര്‍ച്ച ബ്രഹ്മി ഭഗന്ദരം-ഫിസ്റ്റുല ഭസ്മം മഞ്ഞപ്പിത്തം മഞ്ഞള്‍ മനോരഞ്ജിനി മരുന്നുകള്‍ മലബന്ധം മഴക്കാലം മുഖ സൗന്ദര്യം മുഖക്കുരു മുടി സൌന്ദര്യം മുത്തശി വൈദ്യം മുരിങ്ങക്കാ മുളയരി മുറിവുകള്‍ മൂത്രച്ചുടീല്‍ മൂത്രത്തില്‍ അസിടിടി മൂത്രത്തില്‍ കല്ല്‌ മൂലക്കുരു യുനാനി യോഗ യൗവനം രക്ത ശുദ്ധി രക്തസമ്മര്‍ദ്ദം രുചിയില്ലായ്മ രോഗങ്ങള്‍ രോമവളര്‍ച്ച ലൈംഗികത വണ്ണം വക്കാന്‍ വന്ധ്യത വയമ്പ് വയര്‍ വേദന വയറിളക്കം വാജികരണം വാതം വായ്പുണ്ണ്‍ വായ്പ്പുണ്ണ്‌ വിചിത്ര രോഗങ്ങള്‍ വിഷം തീണ്ടല്‍ വീട്ടുവൈദ്യം വൃക്കരോഗം വൃഷണ ആരോഗ്യം വെള്ളപോക്ക് വെള്ളപ്പാണ്ട്‌ വേദന സംഹാരികള്‍ വൈദിക് ജ്ഞാനം ശീഖ്രസ്കലനം ശ്വാസതടസം സന്ധി വാതം സന്ധിവേദന സവാള സോറിയാസിസ് സൗന്ദര്യം സ്തന വളര്‍ച്ച സ്തനാര്‍ബുദം സ്ത്രീകളുടെ ആരോഗ്യം ഹൃദ്രോഗം ഹെര്‍ണിയ

Monday 2 February 2015

ശരീരം വിഷമുക്തമാക്കാന്‍ വഴികള്‍

ശരീരം വിഷവിമുക്തമാക്കൂ

മൊത്തത്തില്‍ ഒരു അലസത അനുഭവപെടുന്നുണ്ടോ? ചര്‍മ്മ ദോഷം, വേദന, ദഹനക്കേട്‌ എന്നിവയാല്‍ വിഷിമിക്കുന്നുണ്ടോ? ഭാരം കുറയ്‌ക്കാന്‍ കഴിയുന്നില്ലേ? എങ്കില്‍ ശരീരം വിഷവിമുക്തമാക്കാന്‍ സമയമായി എന്നര്‍ത്ഥം. ആയുര്‍വേദം, ചൈന്നീസ്‌ ഔഷധ സംവിധാനം എന്നിവ ഉള്‍പ്പടെ ലോകത്തിന്റെ വിവിധ ഭാഗങ്ങളില്‍ ഉള്ളവര്‍ നൂറ്റാണ്ടുകളായി ചെയ്യുന്ന വിഷവിമുക്തമാക്കല്‍ ശരീരത്തിന്റെ അകമേ ഉള്ള വിശ്രമം, വൃത്തിയാക്കല്‍,പുഷ്‌ടിപെടുത്തല്‍ എന്നിവ ചേരുന്നതാണ്‌. ശരീരത്തിനകത്തുള്ള വിഷാംശങ്ങള്‍ നീക്കം ചെയ്‌തിട്ട്‌ ആരോഗ്യദായകമായ പോഷകങ്ങള്‍ നല്‍കുകയാണ്‌ ഇത്‌ വഴി ചെയ്യുന്നത്‌. രോഗങ്ങള്‍ വരാതെ തടയുന്നതിനും പരമാവധി ആരോഗ്യത്തോടെ ഇരിക്കാനും വിഷവിമുക്തമാക്കാല്‍ പ്രക്രിയ സഹായിക്കും. വിഷവിമുക്തമാക്കല്‍ പ്രവര്‍ത്തിക്കുന്നതെങ്ങനെ രക്തം ശുദ്ധിയാക്കലാണ്‌ അടിസ്ഥാനപരമായി വിഷവിമുക്തമാക്കാല്‍ എന്നത്‌ കൊണ്ട്‌ ഉദ്ദേശിക്കുന്നത്‌. വിഷം നീക്കം ചെയ്യാന്‍ വേണ്ടി പ്രവര്‍ത്തനം നടക്കുന്ന കരളിലെ രക്തത്തിലുള്ള മാലിന്യങ്ങള്‍ നീക്കം ചെയ്യുകയാണ്‌ ചെയ്യുന്നത്‌. വൃക്ക, കുടല്‍, ശ്വാസകോശം, കോശദ്രാവകം, ചര്‍മ്മം എന്നിവിടങ്ങളിലെ വിഷവും ശരീരം നീക്കം ചെയ്യും. എന്നാല്‍ ഈ സംവിധാനം തകരാറിലായാല്‍ മാലിന്യങ്ങള്‍ ശരീയായ രീതിയില്‍ നീക്കം ചെയ്യപെടുകയില്ല. ഇത്‌ ശരീരത്തിലെ എല്ലാ കോശങ്ങളെയും പ്രതികൂലമായി ബാധിക്കുകയും ചെയ്യും. വിഷവിമുക്തമാക്കല്‍ പ്രക്രിയയ്‌ക്ക്‌ ശേഷം ചിട്ടയായ ഭക്ഷണ ക്രമത്തിലൂടെയും ജീവിത ശൈലിയിലൂടെയും ശരീരം വൃത്തിയായി സൂക്ഷിക്കണം. അതിനായി ശ്രദ്ധിക്കേണ്ട ചില കാര്യങ്ങള്‍, 


1. നാരടങ്ങിയ ഭക്ഷണം തവിട്‌ അടങ്ങിയ അരി, ജൈവ പച്ചക്കറികള്‍, പഴങ്ങള്‍ എന്നിവ ഉള്‍പ്പടെ നാരുകള്‍ ധാരാളം അടങ്ങിയ ഭക്ഷണം കഴിക്കുക. കാബേജ്‌, ബ്രോക്കോളി, മുള്ളങ്കി, ബീറ്റ്‌ റൂട്ട്‌, കടല്‍പായല്‍ എന്നിവ ശരീരം വിഷവിമുക്തമാക്കുന്ന മികച്ച ഭക്ഷണങ്ങളാണ്‌.

2. കരള്‍
ജമന്തിയുടെ വേര്‌ , ഞെരിഞ്ഞില്‍ പോലുള്ള ഔഷധങ്ങള്‍ കഴിച്ച്‌ കരള്‍ വൃത്തിയാക്കുകയും സംരക്ഷിക്കുകയും ചെയ്യുക. ഗ്രീന്‍ ടീ കുടിക്കുന്നതും നല്ലതാണ്‌.

3. വിറ്റാമിന്‍ സി

വിറ്റാമിന്‍ സി അടങ്ങിയ ഭക്ഷണം ധാരാളം കഴിക്കുന്നത്‌ കരളിന്‌ നല്ലതാണ്‌. വിഷമകറ്റാന്‍ സഹായിക്കുന്ന കരളിലെ സംയുക്തമായ ഗ്ലൂറ്റാതിയോണ്‍ ഉത്‌പാദിപ്പിക്കാന്‍ വിറ്റാമിന്‍ സി സാഹയിക്കും.

4. വെള്ളം
ദിവസവും നാല്‌ കപ്പ്‌ വെള്ളമെങ്കിലും കുടിക്കുക.

5. ശ്വസനം

ആഴത്തില്‍ ശ്വസിക്കുന്നത്‌ ശരീരത്തിലുടനീളം ഓക്‌സിജന്‍ നന്നായി എത്താന്‍ സഹായിക്കും


6.സമ്മര്‍ദ്ദം കുറയ്‌ക്കുക

ശുഭ ചിന്തകളിലൂടെ സമ്മര്‍ദ്ദം കുറയ്‌ക്കുക


7. ജലചികിത്സ

ജല ചികിത്സ ശീലിക്കുക. അഞ്ച്‌ മിനുട്ട്‌ നേരം ചൂടുവെള്ളം ശരീരത്തിലൊഴിക്കുക, വെള്ളം പുറത്തു കൂടി ഒഴുകാന്‍ അനുവദിക്കുക. അതിന്‌ ശേഷം തണുത്ത വെള്ളം 30 സെക്കന്‍ഡ്‌ നേരം ഒഴിക്കുക. ഇങ്ങനെ മൂന്ന്‌ പ്രാവശ്യം ചെയ്യുക. അതിന്‌ ശേഷം 30 മിനുട്ട്‌ നേരം കിടക്കുക

8 നീരാവി കുളി

നീരാവിയില്‍ കുളിച്ചാല്‍ നന്നായി വിയര്‍ക്കും. ഇത്‌ വഴി ശരീരത്തിലെ മാലിന്യങ്ങള്‍ പുറത്തേയ്‌ക്ക്‌ പോകും.


9. ചര്‍മ്മം

നന്നായി ഉരച്ച്‌ കഴുകുന്നതും പാദങ്ങള്‍ കഴുകുന്നതും ശരീരത്തിലെ ചെറു ദ്വാരങ്ങളില്‍ കൂടി മാലിന്യം പോകാന്‍ സഹായിക്കും. പ്രകൃതി ദത്ത ഉത്‌പന്ന സ്റ്റോറുകലില്‍ ഇതിനായുള്ള പ്രത്യേക ബ്രഷുകള്‍ ലഭിക്കും


10 വ്യായാമം

ശരീരം മാലിന്യ വിമുക്തമാക്കാനുള്ള ഏറ്റവും നല്ല മാര്‍ഗം വ്യായാമമാണന്ന്‌  പറയുന്നു. എല്ലാ ദിവസവും ഒരു മണിക്കൂര്‍ യോഗയും റോപ്‌-ജംപിങ്ങും ചെയ്യുന്നത്‌ വളരെ നല്ലതാണ്‌. ശരീരം വൃത്തിയാക്കുന്നതിനും വിഷവിമുക്തമാക്കുന്നതിനുമായി പ്രത്യേകം തയ്യാറാക്കിയിട്ടുള്ള ക്വിഗോങ്‌ എന്ന വ്യായാമം പരീക്ഷിച്ച്‌ നോക്കുന്നതും നല്ലതാണ്‌. ആരോഗ്യം നിലനിര്‍ത്താനുള്ള മറ്റ്‌ വ്യായാമങ്ങളും ചെയ്യുക.

നാസാ രോഗങ്ങള്‍

ആയുര്‍വേദത്തില്‍
നാസാരോഗങ്ങളെയും അവയുടെ ചികിത്സയെയും സംബന്ധിക്കുന്ന പഠനങ്ങള്‍ ശാലാക്യതന്ത്രത്തിന്റെ ഭാഗമായാണ് ആയുര്‍വേദത്തില്‍ കണക്കാക്കുന്നത്. പ്രാചീനവൈദ്യഗ്രന്ഥമായ സുശ്രുതസംഹിതയിലാണ് ക്രമീകൃതമായ രീതിയില്‍ നാസാരോഗങ്ങളെപ്പറ്റിയുള്ള വിവരണം ആദ്യമായി കാണാന്‍ കഴിയുക.
മിക്കരോഗങ്ങളും തദ്സമാനമായ ആധുനികരോഗങ്ങളുടെ വിവരണങ്ങളുമായി മിക്കവാറും ഒത്തുപോകുന്നവയാണ്. ഔഷധപ്രയോഗം, ശസ്ത്രക്രിയ എന്നീ രണ്ടു ചികിത്സാരീതികളും യുക്ത്യനുസരണം ഈ പ്രകരണത്തില്‍ വിധിക്കപ്പെടുന്നുണ്ട്.

മൊത്തം 31 നാസാരോഗങ്ങളാണ് സുശ്രുതസംഹിതയില്‍ കാണുന്നത്. പില്ക്കാല ഗ്രന്ഥങ്ങളില്‍ ചില രോഗങ്ങള്‍ ഒഴിവാക്കുകയും ചിലവ കൂട്ടിച്ചേര്‍ക്കുകയും ചെയ്തിട്ടുണ്ട്. അഷ്ടാംഗസംഗ്രഹം, അഷ്ടാംഗഹൃദയം, ശാര്‍ങ്ഗധരസംഹിത എന്നിവയില്‍ 18-ഉം യോഗരത്നാകരം, ഭാവപ്രകാശം എന്നിവയില്‍ 34-ഉം നാസാരോഗങ്ങളാണുള്ളത്. ചരകസംഹിതയിലാകട്ടെ നിശ്ചിതസംഖ്യ സൂചിപ്പിക്കുന്നില്ല. എന്നാല്‍ 11-ഓളം രോഗങ്ങളും അവയുടെ ചികിത്സയും പറഞ്ഞുപോകുന്നുണ്ട്. സുശ്രുതമതപ്രധാനമായ വിവരണമാണ് ഇവിടെ നല്കുന്നത്. ഈ പ്രകരണത്തില്‍ പറയുന്ന മിക്ക വ്യാധികളും ആധുനികമതവുമായി താരതമ്യം ചെയ്ത് മനസ്സിലാക്കാന്‍ കഴിയുന്നവയാണ്. ഇവ കൂടാതെ ഇവിടെ പരാമര്‍ശിക്കപ്പെടുന്ന ചില അവസ്ഥകള്‍ ഇന്നത്തെ രീതിയനുസരിച്ച് രോഗലക്ഷണങ്ങള്‍ മാത്രമാണ്.
പ്രതിശ്യായം (Acute rhinitis)
മൂക്കില്‍ നിന്നും സ്രാവം, മൂക്കു വീര്‍ത്തിരിക്കല്‍, മൂക്കടപ്പ്, നാസാദ്വാരം മുതല്‍ അണ്ണാക്കുവരെ വേദന, പുകച്ചില്‍, ഒച്ചയടപ്പ് എന്നിവ പ്രതിശ്യായം അഥവാ പീനസത്തിന്റെ ലക്ഷണങ്ങളാണ്. പ്രകടമാകുന്ന ലക്ഷണങ്ങളുടെ അടിസ്ഥാനത്തില്‍ വാതികം, പൈത്തികം, കഫജം, സന്നിപാതജം, രക്തജം എന്ന് അഞ്ച് ഉപവിഭാഗങ്ങളായി ഈ രോഗത്തെ തിരിച്ചിട്ടുണ്ട്. പീനസം ചികിത്സിക്കാതിരുന്നാല്‍, ദുഷ്ടപീനസം (Secondary infection/Sinus infection) ആയിത്തീരും. ശ്വാസംമുട്ടല്‍, ചുമ, ഉരോഭാഗത്തു വേദന, ജ്വരം, വായ്ക്കകത്തു ദുര്‍ഗന്ധം, മൂക്കില്‍ നിന്നും കട്ടപിടിച്ച കഫം രക്തത്തിന്റെ അംശം കലര്‍ന്നോ അല്ലാതെയോ ഒഴുകുക എന്നിവ ദുഷ്ടപീനസത്തിന്റെ ലക്ഷണങ്ങളാണ്.
അപീനസം (Atrophic rhinitis)
പ്രതിശ്യായ (പീനസ) രോഗത്തിന്റെ ലക്ഷണങ്ങളുമായി അപീനസലക്ഷണങ്ങള്‍ക്കു സാമ്യമുണ്ട്. പുക കയറിയാലെന്നവണ്ണം മൂക്കടപ്പുണ്ടാകും, വീര്‍ത്തിരിക്കുകയും ചെയ്യും. മൂക്ക് നനഞ്ഞൊലിച്ചു കൊണ്ടിരിക്കുകയോ ഉണങ്ങിയിരിക്കുകയോ ചെയ്യും. മണവും രുചിയും അറിയാനുള്ള കഴിവ് നഷ്ടപ്പെടുന്നു. പീനസത്തെക്കാള്‍ നീണ്ടുനില്ക്കുന്ന അവസ്ഥയാണ് ഇത്.
നാസാപാകം (Boil/abscess inside nasal cavity)
നാസാദ്വാരത്തില്‍ പിഡകകള്‍ പ്രത്യക്ഷപ്പെടും. ഇവിടം പഴുത്ത് സ്രവമോ ചലമോ ഉണ്ടാകുകയും ചെയ്യുന്നു.
ക്ഷവഥു (Allergic rhinitis)
ശക്തമായ തുമ്മലാണ് ഈ രോഗത്തിന്റെ മുഖ്യലക്ഷണം. പൊടിപടലങ്ങള്‍, പുല്ലിന്റെ അംശം, തീക്ഷ്ണമായ വസ്തുക്കള്‍ തുടങ്ങിയവ നാസാദ്വാരത്തില്‍ പ്രവേശിക്കുക എന്നതാണ് രോഗകാരണം.
പൂതിനസ്യം (Severe nasopharyngeal infection)
മൂക്കില്‍ നിന്ന് അണ്ണാക്കിന്റെ അടിയിലും കണ്ഠത്തിലും വരെ രോഗദുഷ്ടിയുണ്ടായി മൂക്കിലൂടെയും വായിലൂടെയും ദുര്‍ഗന്ധത്തോടെ വായുവും കഫവും പുറത്തു പോകുന്നു. പനി, കഫത്തിന് മഞ്ഞയും ചുവപ്പും നിറം എന്നിവ ഉണ്ടാകുമെന്ന് ചിലര്‍ പറയുന്നുണ്ട്.
പൂയരക്തം (Epistaxis)
നെറ്റി, നാസികാമൂലം എന്നിവിടങ്ങളില്‍ ക്ഷതം സംഭവിച്ചിട്ടോ, നിജരോഗങ്ങള്‍ കാരണമായോ രക്തം കലര്‍ന്ന സ്രവം മൂക്കിന്‍ദ്വാരത്തിലൂടെ ഒഴുകുന്നു. ശക്തമായ തലവേദന ഇതോടൊപ്പം ഉണ്ടാകാം.
നാസാര്‍ബുദം (Nasal Neoplasm)
നാസാദ്വാരത്തില്‍ വളര്‍ന്നുവരുന്ന മാംസാങ്കുരങ്ങളാണ് അര്‍ബുദം. മൊത്തം ഏഴു തരമായി ആയുര്‍വേദഗ്രന്ഥങ്ങളില്‍ പറയുന്നു. ഇവയില്‍ ചിലവ ചികിത്സിച്ചു മാറ്റാന്‍ കഴിയുന്നവയല്ല എന്ന് വിശദീകരിക്കുന്നുണ്ട്.
നാസാര്‍ശസ് (Nasal polyp)
മലദ്വാരത്തില്‍ ഉണ്ടാകുന്ന അര്‍ശസ്സിനെപ്പോലെ നാസാദ്വാരത്തിലുണ്ടാകുന്ന മാംസാങ്കരങ്ങള്‍ ആണ് നാസാര്‍ശസ്. ലക്ഷണങ്ങളുടെ അടിസ്ഥാനത്തില്‍ നാലു വിധം.
നാസാശോഷം
മൂക്കിനുള്ളിലുള്ള ശ്ളേഷ്മകകഫം വരണ്ടുപോയി ശ്വാസോച്ഛ്വാസം ബുദ്ധിമുട്ടാകുന്ന രോഗാവസ്ഥ.
ദീപ്തം
മൂക്കിനുള്ളില്‍ ശക്തമായ പുകച്ചില്‍ തോന്നുന്ന അവസ്ഥ. ശ്വാസത്തിന് നല്ല ചൂടുണ്ടാകും.
ഭ്രംശഥു
ശിരസ്സില്‍ കെട്ടിനില്ക്കുന്ന കൊഴുത്ത കഫം മൂക്കിന്‍ ദ്വാരത്തിലൂടെ പുറത്തുവരുന്ന അവസ്ഥ.
നാസാപരിസ്രാവം
മൂക്കൊലിപ്പ്-തെളിഞ്ഞതും വെള്ളം പോലെയുള്ളതുമായ സ്രവം മൂക്കിന്‍ ദ്വാരത്തിലൂടെ ഒഴുകുന്നു.
നാസാനാഹം
മൂക്കടപ്പ്, മൂക്കിന്‍ദ്വാരങ്ങള്‍ അടഞ്ഞതുപോലെ ആയിരിക്കുന്നതിനാല്‍ ശ്വാസോച്ഛ്വാസത്തിനു തടസ്സം നേരിടുന്നു.
നാസാഗതരക്തപിത്തം
മൂക്കിന്‍ദ്വാരത്തിലൂടെ രക്തം പോകുന്ന അവസ്ഥ. രക്തപിത്തം ഒരു സ്വതന്ത്രരോഗമായിട്ടാണ് ആയുര്‍വേദത്തില്‍ പറയപ്പെടുന്നത്. പ്രത്യേക ഒരധ്യായമായി ഇതിനെ വിവരിക്കുന്നതിനാലോ, പൂയരക്തം എന്നൊരവസ്ഥ പറയപ്പെടുന്നതിനാലോ ആകണം അഷ്ടാംഗഹൃദയത്തില്‍ നാസാരോഗങ്ങളില്‍ നിന്നും ഇതിനെ ഒഴിവാക്കിയിരിക്കുന്നു.
നാസാശോഥം
നാസികയിലുണ്ടാകുന്ന നീര്‍ക്കെട്ട്. നാലുവിധം എന്ന് സുശ്രൂതത്തില്‍ പറയുന്നുണ്ട്. നാസാരോഗങ്ങളില്‍പ്പെടത്തക്ക പ്രാധാന്യം ഇല്ലാത്താതിനാലാവണം വാഗ്ഭടന്‍ ഈ അവസ്ഥയെ ഒഴിവാക്കിയിരിക്കുന്നു.
ചികിത്സ
ഔഷധപ്രയോഗം, ശസ്ത്രക്രിയ, ക്ഷാരകര്‍മം, അഗ്നികര്‍മം എന്നീ ചതുര്‍വിധ ഔഷധപ്രയോഗങ്ങളില്‍ സ്നേഹനം, വിയര്‍പ്പിക്കല്‍, വമനം, നസ്യം, ധൂമപാനം, കവിള്‍കൊള്ളല്‍ മുതലായവയാണ് കൂടുതലായി നിര്‍ദേശിക്കപ്പെടുന്നത്. അര്‍ബുദം, അര്‍ശസ് എന്നീ അവസ്ഥകളിലാണ് ശസ്ത്രാദി ഇതരക്രിയകള്‍ പ്രാധാന്യമര്‍ഹിക്കുന്നത്.

കരളിന്റെ ആരോഗ്യം

കരളിന്റെ ആരോഗ്യത്തിന് ചില വഴികള്‍ Posted by: Veena
സിഗരറ്റും മദ്യവും ഒഴിവാക്കുന്നതോടെ രോഗങ്ങളില്‍ നിന്ന് മോചനവും മികച്ച ശാരീരികാരോഗ്യവും കൈവരുമെന്നാണ് ബഹുഭൂരിപക്ഷം പേരുടെയും ചിന്ത. കരളിൻറെ ആരോഗ്യം മികച്ച ശാരീരികാരോഗ്യത്തില്‍ പ്രധാനമാണ്. രോഗ ലക്ഷണങ്ങള്‍ പ്രകടമാകും മുമ്പേ ആരും കരളിൻറെ ആരോഗ്യം സംബന്ധിച്ച് കരുതല്‍ എടുക്കാറില്ല എന്നതാണ് വസ്തുത. പ്രശ്നമുള്ള കരളിൻറെ ആദ്യ ലക്ഷണം അടിവയറിൻറെ വലതുഭാഗത്തായുള്ള വിങ്ങലാണ്. ഭക്ഷണം കഴിക്കുന്നതിനൊപ്പം വ്യായാമം ചെയ്തിട്ടും അടിവയറിൻറെ ഭാഗത്ത് ഭാരം വര്‍ധിക്കുന്നുണ്ടെങ്കില്‍ നിര്‍ബന്ധമായും ഡോക്ടറെ കാണേണ്ടതുണ്ട്. കരളിൻറെ ആരോഗ്യം കാത്തുസൂക്ഷിക്കാന്‍ ആഗ്രഹിക്കുന്നവര്‍ താഴെ പറയുന്ന കാര്യങ്ങള്‍ ഒന്ന് വായിക്കൂ;
കൊഴുപ്പ് നിറഞ്ഞ ഭക്ഷണങ്ങള്‍ കൊഴുപ്പ് നിറഞ്ഞ ഭക്ഷണങ്ങളും ജങ്ക് ഫുഡ്സും നിങ്ങളുടെ കരളിന് ഒട്ടും നല്ലതല്ല. ശരീരത്തിലെ കൊഴുപ്പിൻറെ അധികരിച്ച അളവ് കരളി ൻറെ സാധാരണ പ്രവര്‍ത്തനത്തെ ഒരു വിധത്തില്‍ അല്ലെങ്കിൽ മറ്റൊരു വിധത്തില്‍ ബാധിക്കും.
അമിത മദ്യപാനം മദ്യപാനം കരളിന് ഉണ്ടാക്കുന്ന പ്രശ്നങ്ങള്‍ അറിയാത്തവര്‍ ആരുമുണ്ടാകില്ല. ആരോഗ്യത്തില്‍ ശ്രദ്ധ പുലര്‍ത്തുന്നവര്‍ ദിവസം മൂന്നോ നാലോ പെഗില്‍ കൂടുതല്‍ കഴിക്കരുത്. ഇതിന് സാധിക്കാത്തവര്‍ഡോക്ടറുടെ സഹായം തേടണം.
പുകവലി ദൂഷ്യവശങ്ങള്‍ എത്ര കേട്ടാലും ഈ ശീലത്തെ അത്ര പെട്ടന്നൊന്നും മാറ്റാന്‍ കഴിയില്ല. പുകവലിയോടുള്ള അഭിനിവേശം എളുപ്പത്തിലാകും മുളപൊട്ടുക. ഇത് നിങ്ങളുടെ ശാരീരികാവയവങ്ങളുടെ നാശത്തിനാകും വഴിയൊരുക്കുക.
മടി ടി.വിക്ക് മുന്നില്‍ കുത്തിയിരിക്കുന്നവര്‍ രോഗങ്ങള്‍ വിളിച്ചുവരുത്തുകയാണ് ചെയ്യുക. തൊട്ടടുത്ത മാര്‍ക്കറ്റിലേക്ക് നടന്നുപോകാതെ കാറോ സ്കൂട്ടറോ എടുത്ത് പോകുന്നവരില്‍ കരള്‍ രോഗം വരാന്‍ സാധ്യത കൂടുതലാണ്.
ഭാരം കുറക്കാനുള്ള ഭക്ഷണരീതികള്‍ ഭാരം കുറക്കാനുള്ള പ്രത്യേക ഭക്ഷണ രീതികള്‍ ഫലം കണ്ടില്ലെങ്കിൽ അത് കരളിനെ ബാധിച്ചതായി മനസിലാക്കുക. കരളില്‍ അനാവശ്യ സമ്മര്‍ദമുണ്ടാക്കി പ്രവര്‍ത്തനം താളം തെറ്റിക്കുകയാണ് ചെയ്യുക.
എന്താണ് പരിഹാരം കരള്‍ രോഗത്തില്‍ നിന്നുള്ള പൂര്‍ണമായ പരിഹാരം ഒരിക്കലും നമ്മുടെ കൈകളില്‍ അല്ല. ആരോഗ്യകരമായ ഭക്ഷണവും ജീവിത രീതിയും പിന്തുടര്‍ന്നാല്‍ ഒരളവുവരെ കരളിനെ സംരക്ഷിക്കാം. ഹെപ്പറ്റൈറ്റിസിനെതിരെ സമയത്തിനുള്ള വാക്സിനേഷന്‍,പതിവായുള്ള രക്ത പരിശോധന, കോഡ് ലിവര്‍ ഓയില്‍ കഴിക്കല്‍, സുരക്ഷിതമായ സെക്സ് എന്നിവ പിന്തുടര്‍ന്നാല്‍ കരള്‍രോഗത്തില്‍ നിന്നുള്ള സംരക്ഷണം നല്ല ഒരു ശതമാനം ഉറപ്പാ
ആയൂര്‍വേദത്തില്‍ അഷ്ടാംഗഹൃദയത്തിലും ചരകസംഹിതയിലും മഞ്ഞപ്പിത്ത ഓഷധമായി വിവരിച്ചിട്ടുള്ള സസ്യാമാണ് ചിറ്റമൃത്. കരള്‍ സംരക്ഷണത്തില്‍ ചിറ്റമൃതിനുള്ള സാധ്യതകള്‍ അടുത്തകാലം വരെ ആധുനിക വൈദ്യശാസ്ത്രം തിരിച്ചറിഞ്ഞിരുന്നില്ല.
കയ്പ്രസമുള്ള ചിറ്റമൃതിന്‍റെ വള്ളിയാണ് ഔഷധപ്രയോഗത്തിന് ഉപയോഗിക്കുക. ഇതിന്‍റെ തണ്ട് ഇടിച്ച് പിഴിഞ്ഞ നീര് 15 മില്ലി വീതം രാവിലെയും വൈകിട്ടും തേന്‍ ചേര്‍ത്ത് കഴിക്കുന്നത് കരള്‍ രോഗങ്ങള്‍ക്ക് ഉത്തമമാണ്.
ഇന്ത്യയിലുടനീളം കണ്ടു വരുന്ന ഔഷധ സസ്യമാണ് ആര്യവേപ്പ്. ഇലയും തൊലിയുമാണ് പ്രധാന ഔഷധയോഗ്യ ഭാഗങ്ങള്‍. ആര്യവേപ്പിലയുടെ നീര് 10 മില്ലി വീതമെടുത്ത് അത്രയും തേന്‍ ചേര്‍ത്ത് കഴിക്കുന്നത് മഞ്ഞപ്പിത്തത്തിന് ഗുണം ചെയ്യും. കരളിന് ഉത്തമമായ ലോഹിതാരിഷ്ടത്തിന് പ്രധാന ചേരുവയാണ് ആര്യവേപ്പ്.
കേരളത്തിലുടനീളം കളയായി വളരുന്ന ഔഷധ സസ്യമാണ് കിരിയാത്ത്. പിത്തരസം ഉത്പ്പാദിപ്പിക്കുന്നതിനുള്ള സവിശേഷമായ ഔഷധഗുണം കിരിയാത്തിനുണ്ട്. കിരിയാത്ത്, കടുക്ക, നെല്ലിക്ക, താന്നിക്ക എന്നിവ ചേര്‍ത്ത് കഷായം വച്ച് കഴിക്കുന്നത് കരളിന്‍റെ ആരോഗ്യത്തിന് ഉത്തമമാണ്.
ഇന്ത്യന്‍ പാരമ്പര്യവൈദ്യ ശാസ്ത്രത്തിന് പുറമേ ബ്രസീല്‍, ആഫ്രിക്ക എന്നീ രാജ്യങ്ങളിലും കരള്‍ രോഗങ്ങള്‍ക്ക് ഉപയോഗിക്കുന്ന ഔഷധസസ്യമാണ് തഴുതാമ. മഞ്ഞപ്പിത്തം, സിറോസിസ്, വൈറല്‍ ബാധ, കരള്‍ കോശനാശം, മറ്റ് കരള്‍ രോഗങ്ങള്‍ എന്നിവയ്ക്കൊക്കെ തഴുതാമ ഉത്തമ ഔഷധമാണ്.
കുറഞ്ഞ രക്തസമ്മര്‍ദ്ദമുള്ളവരും ഹൃദ്രോഗമുള്ളവരും തഴുതാമ ഉപയോഗിക്കുന്നത് നല്ലതല്ല.
ഈര്‍പ്പമുള്ള സ്ഥലങ്ങളിലും വയല്‍ വരമ്പുകളിലും ധാരാളമായി കണ്ടുവരുന്ന കയ്യോന്നി കരള്‍ രോഗത്തിന് ഉത്തമമാണ്. സമൂലമാണ് കയ്യോന്നി ഔഷധപ്രയോഗത്തിന് ഉപയോഗിക്കുന്നത്.
ഇവയ്ക്ക് പുറമേ തിപ്പലി, വയല്‍ച്ചുള്ളി, മഞ്ഞ മന്ദാരം, മഞ്ഞള്‍, നെല്ലിക്ക, ജീരകം, കടുക്ക, ഇരട്ടിമധുരം എന്നീ ഔഷധസസ്യങ്ങളും തക്കാളി, മുരിങ്ങ, പപ്പായ, മുന്തിര, പേരയ്ക്ക, മുള്ളങ്കി, കയ്പ്പക്ക എന്നീ ഫലങ്ങളും കരളിനെ സംരക്ഷിക്കുന്നവയാണെന്ന് തെളിഞ്ഞിട്ടുണ്ട്.
കരളിനെ സംരക്ഷിക്കാംഡോ. പ്രിയാദേവദത്ത്‌
അഞ്ഞൂറിലധികം വ്യത്യസ്ത ധര്‍മങ്ങള്‍ നിര്‍വഹിക്കുന്ന അതിപ്രധാനമായ ഒരു ആന്തരികാവയവമാണ് കരള്‍. കേടുപറ്റിയാല്‍ സ്വയം സുഖപ്പെടുത്താനും സ്വന്തം ശക്തിയെ പുനര്‍ജനിപ്പിക്കാനുമുള്ള ശക്തി കരളിനുണ്ട്. ഇതിനു പുറമേ അസാമാന്യമായ സഹനശേഷിയുമുണ്ട്. രോഗലക്ഷണങ്ങള്‍ ഒന്നും തന്നെ പ്രകടിപ്പിക്കാതെ പ്രവര്‍ത്തനം തുടരുന്നതിനാല്‍ ഒട്ടുമിക്ക കരള്‍രോഗങ്ങളും ഏറെ വൈകിയാണ് കണ്ടെത്താറുള്ളത്. 'യകൃത്' എന്ന സംസ്‌കൃതപദത്താലാണ് ആയുര്‍വേദത്തില്‍ കരളിനെ സൂചിപ്പിക്കുന്നത്. 'വേണ്ട രീതിയില്‍ സംയമനം ചെയ്യുന്നത്' എന്നാണ് ഇതിനര്‍ഥം. കരളുമായി ബന്ധപ്പെട്ട് നിരവധി രോഗങ്ങള്‍ വരാറുണ്ട്. വിവിധയിനം മഞ്ഞപ്പിത്തം, കരളില്‍ കൊഴുപ്പടിയുന്ന ഫാറ്റിലിവര്‍, യകൃദുദരം (സിറോസിസ്), കാന്‍സര്‍, പലതരം അണുബാധകള്‍ തുടങ്ങിയ രോഗങ്ങള്‍ കരളിനെ ബാധിക്കാറുണ്ട്.
പ്രതികൂല സാഹചര്യങ്ങള്‍മദ്യപാനമാണ് കരളിന്റെ ആരോഗ്യത്തെ തകര്‍ക്കുന്ന പ്രധാന വില്ലന്‍. ആഹാരത്തിലൂടെയും മറ്റും ശരീരത്തിലെത്തുന്ന വിഷവസ്തുക്കളെ അരിച്ച് മാറ്റുന്ന അവയവമാണ് കരള്‍. സ്വാഭാവികമായും മദ്യത്തിലുള്ള വിഷാംശങ്ങളും കരളില്‍ വെച്ച് തന്നെയാണ് വിഘടിക്കപ്പെടുന്നതും. അതുകൊണ്ടു തന്നെ മദ്യപാനത്തിന്റെ കുഴപ്പങ്ങള്‍ ഏറ്റവുമധികം ബാധിക്കുന്നതും കരളിനെയാണ്. മദ്യപാനം കരളിലെയും ആമാശയത്തിലെയും മൃദുകലകളെ ദ്രവിപ്പിച്ച് വ്രണമുണ്ടാക്കുകയും കരളില്‍ നീര്‍ക്കെട്ടുണ്ടാക്കുകയും ചെയ്യും. കാലക്രമേണ കരളിന്റെ ആകൃതിയും സ്വാഭാവിക ധര്‍മങ്ങള്‍ തന്നെയും നഷ്ടപ്പെട്ട് അത്യന്തം അപകടകാരിയായ സിറോസിസിലേക്ക് മദ്യപാനിയെ എത്തിക്കുകയും ചെയ്യും.
മദ്യപാനത്തിന് പുറമേ പോഷകക്കുറവ്, പച്ചക്കറികളിലും മറ്റും കലരുന്ന കീടനാശിനികള്‍, ചിലയിനം മരുന്നുകളുടെ തുടര്‍ച്ചയായ ഉപയോഗം, കൃത്രിമ ഭക്ഷണം, അമിത ഭക്ഷണം, വ്യായാമത്തിന്റെയും വിശ്രമത്തിന്റെയും കുറവ്, തുടര്‍ച്ചയായ മാനസിക പിരിമുറുക്കം തുടങ്ങിയവയും കരളിന്റെ ആരോഗ്യത്തെ ബാധിക്കാറുണ്ട്. വര്‍ധിച്ച തോതിലുള്ള പ്രമേഹവും കൊളസ്‌ട്രോളും കരളിന് ഹാനികരമാണ്.
രോഗലക്ഷണങ്ങള്‍കരളിനുണ്ടാകുന്ന ചില്ലറ പ്രശ്‌നങ്ങള്‍ അത് സ്വയം പരിഹരിക്കുകയാണ് പതിവ്. അതിനാല്‍ മിക്ക കരള്‍രോഗങ്ങളും തുടക്കത്തില്‍ കാര്യമായ ലക്ഷണങ്ങള്‍ കാട്ടാറില്ല. അമിത ക്ഷീണം, അരുചി, ഛര്‍ദി, ശ്വാസത്തിന് ദുര്‍ഗന്ധം, ശരീരം മെലിച്ചില്‍, ചൊറിച്ചില്‍, വയറിനകത്തെ പലതരം അസ്വസ്ഥതകള്‍, പനി, മഞ്ഞപ്പിത്തം, രോമം കൊഴിയുക, വയറ്റില്‍ വെള്ളം കെട്ടിനില്‍ക്കുക തുടങ്ങിയവയാണ് കരള്‍രോഗത്തിന്റെ പ്രധാന ലക്ഷണങ്ങള്‍.
മെയ്യനങ്ങാതെയുള്ള ജീവിതശൈലിയും നിയന്ത്രണമില്ലാതെ അകത്താക്കുന്ന മദ്യവും അമിതമായ കൊഴുപ്പും കൃത്രിമ നിറങ്ങള്‍ ചേര്‍ന്ന ഭക്ഷണങ്ങളും എല്ലാം തന്നെ കേരളത്തിലും കരള്‍രോഗികളുടെ എണ്ണം ഗണ്യമായി കൂട്ടി.
ജീവിതശൈലീ ക്രമീകരണങ്ങള്‍നിത്യവുമുള്ള വ്യായാമവും പോഷകങ്ങള്‍ നിറഞ്ഞ നാടന്‍ ഭക്ഷണങ്ങളും കരളിന്റെ ആരോഗ്യത്തിന് അനിവാര്യമാണ്. മദ്യപാനവും പുകവലിയും തീര്‍ത്തും ഉപേക്ഷിക്കണം. കൊഴുപ്പും നീര്‍ക്കെട്ടും കുറച്ച് കരളിനെ പ്രവര്‍ത്തന സജ്ജമാക്കാന്‍ വ്യായാമത്തിനാകും. ഡോക്ടറുടെ നിര്‍ദേശാനുസരണം മാത്രം വ്യായാമം ശീലിക്കുകയാണ് വേണ്ടത്.
കരള്‍ രോഗികള്‍ പൊതുവെ ദഹനശക്തി കുറഞ്ഞവരാണ്. അതിനാല്‍, പെട്ടെന്ന് ദഹിക്കുന്നതും പോഷകം നിറഞ്ഞതുമായ ഭക്ഷണമാണ് അവര്‍ക്ക് അനുയോജ്യം. പാല്‍ക്കഞ്ഞി, കഞ്ഞി, ഇഡ്ഡലി, സൂചിഗോതമ്പ്, മലര്, ഓട്‌സ്, പാട നീക്കിയ പാല്‍, ഇളനീര്, കാച്ചിയ മോര് ഇവ മാറിമാറി കുറഞ്ഞ അളവില്‍ പല തവണകളായി നല്‍കാം. പടവലങ്ങ, കാരറ്റ്, പപ്പായ, കുമ്പളങ്ങ, വെള്ളരിക്ക, ഇലക്കറികള്‍, പയര്‍വര്‍ഗങ്ങള്‍ ഇവയും കരളിനെ സംരക്ഷിക്കാന്‍ നിത്യഭക്ഷണത്തില്‍പ്പെടുത്തണം.
വെളുത്തുള്ളിക്കും മഞ്ഞളിനും കരളിന്റെ ആരോഗ്യസംരക്ഷണത്തില്‍ ശ്രദ്ധേയമായ പങ്കുണ്ട്. കരളില്‍ കൊഴുപ്പടിയുന്നതിനെ തടയാന്‍ വെളുത്തുള്ളി ഉത്തമമാണ്. കരളിനെ ബാധിക്കുന്ന അണുബാധയ്‌ക്കെതിരെ പ്രതിരോധം തീര്‍ക്കാന്‍ വെളുത്തുള്ളിക്കാവും. വെളുത്തുള്ളിയില്‍ അടങ്ങിയിരിക്കുന്ന ഗന്ധകമാകട്ടെ വിഷവസ്തുക്കള്‍ കരളിനെ നശിപ്പിക്കുന്നതു തടയുന്നു. കരളിനെ ബാധിക്കുന്ന അര്‍ബുദത്തിനെതിരെ മഞ്ഞള്‍ പ്രവര്‍ത്തിക്കും. മിതമായ അളവില്‍ മാത്രം ഇവയെ നിത്യഭക്ഷണത്തില്‍പ്പെടുത്തണം. ക്ഷീണമുള്ളപ്പോള്‍ ചെറുപയര്‍ വെന്ത വെള്ളം സൂപ്പാക്കി കഴിക്കുന്നത് കരള്‍ രോഗത്തിന് ഗുണം ചെയ്യും. ഉള്ളി, തക്കാളി, നെല്ലിക്ക, മുരിങ്ങ, മുന്തിരി, തണ്ണിമത്തന്‍, പേരയ്ക്ക ഇവയും കരളിന് ഗുണകരമാണ്.
ചികിത്സയില്‍ ഭക്ഷണം പ്രധാനപ്പെട്ട ഘടകമാണ്. തകരാറിലായ കരള്‍കോശങ്ങള്‍ക്ക് ഉണര്‍വേകാന്‍ ഭക്ഷണത്തിനാകണം. ഒപ്പം, വേണ്ടത്ര വിശ്രമവും അനിവാര്യമാണ്. ശുചിത്വം കര്‍ശനമായി പാലിക്കുകയും രോഗിയുടെ രക്തം, മലം, മൂത്രം ഇവയൊക്കെ ശ്രദ്ധയോടെ കൈകാര്യം ചെയ്യുകയും വേണം.
ഒഴിവാക്കേണ്ടവവറുത്തതും പൊരിച്ചതുമായ ആഹാരപദാര്‍ഥങ്ങള്‍, മാംസോത്പന്നങ്ങള്‍, കേക്ക്, കടുപ്പംകൂടിയ ചായ, കാപ്പി, പപ്പടം, അച്ചാര്‍, സോസുകള്‍ ഇവ ഒഴിവാക്കുക. പച്ചക്കറികളും പഴങ്ങളും നന്നായി കഴുകി ഉപയോഗിക്കണം.
ഔഷധങ്ങള്‍പൊതുവെ കയ്പ്പും ചവര്‍പ്പും രസങ്ങളോടുകൂടിയ ഔഷധ സസ്യങ്ങളാണ് കരളിന് പഥ്യം. ഔഷധികളുടെ ഇല, കായ, പൂവ്, തണ്ടില്‍നിന്നുള്ള പാല്‍, തടിയുടെ തൊലി, വേര്, വിത്ത് ഇവയൊക്കെ കരള്‍ സംരക്ഷണത്തിന് ഉപയോഗപ്പെടുത്താറുണ്ട്. പ്ലാശ്, മുത്തങ്ങ, വേപ്പ്, മരമഞ്ഞള്‍, മഞ്ചട്ടി, കിരിയാത്ത്, അമുക്കുരം, ബ്രഹ്മി, തഴുതാമ, പര്‍പ്പടകപ്പുല്ല്, കറ്റാര്‍വാഴ, മൂടില്ലാത്താളി, പൊന്നുമ്മത്ത്, കിഴാര്‍നെല്ലി, നെല്ലിക്ക, നീലയമരി, കടുക്‌രോഹിണി തുടങ്ങിയവ കരളിന് കരുത്തേകുന്ന ഔഷധികളില്‍ ചിലതാണ്. മഞ്ഞപ്പിത്തം, കുട്ടികളിലുണ്ടാകുന്ന കരള്‍ രോഗങ്ങള്‍, അണുബാധ, കരളിലെ അര്‍ബുദം, കരള്‍വീക്കം, കരള്‍ കോശനാശം തുടങ്ങി ഓരോ രോഗാവസ്ഥയനുസരിച്ച് സസ്യങ്ങളിലെ വ്യത്യസ്തമായ ഔഷധഗുണത്തെ പ്രയോജനപ്പെടുത്തുകയാണ് ചെയ്യുന്നത്.ചിട്ടയായ വ്യായാമത്തിനും പോഷകങ്ങളടങ്ങിയ ഭക്ഷണത്തിനും തീര്‍ച്ചയായും ഗുണകരമായ ഫലങ്ങള്‍ കരള്‍രോഗത്തിന് നല്‍കാനാവും. ഒപ്പം, തെറ്റായ ജീവിതശൈലിയെ ദൂരെ നിര്‍ത്താനുമാകണം.

നടുവുവേദനയ്‌ക്കും കഴുത്തു വേദനയ്‌ക്കും ആയുര്‍വേദ പരിഹാരം

യുവതലമുറയെ അലട്ടുന്ന പ്രധാന പ്രശ്‌നമാണ്‌ നടുവുവേദനയും കഴുത്തുവേദനയും. ചിട്ടയായ ജീവിത രീതിയിലൂടെയും ചികിത്സയിലൂടെയും ഈ രോഗങ്ങളെ തടയാം. ഇവയുടെ കാരണങ്ങളും ആയുര്‍വേദ ചികിത്സയിലൂടെയുള്ള പരിഹാരവും. മുന്‍കാലങ്ങളില്‍ പ്രായമായവരില്‍ മാത്രം കണ്ടുവന്നിരുന്ന നടുവേദനയും കഴുത്തുവേദനയും ഇന്ന്‌ പ്രായഭേദമന്യേ സര്‍വസാധാരണമായി മാറിയിരിക്കുന്നു. ആധുനിക മനുഷ്യന്റെ ജീവിത രീതിയാണ്‌ ഒരു പരിധിവരെ വര്‍ധിച്ചുവരുന്ന ഈ രോഗങ്ങള്‍ക്ക്‌ കാരണം. കംപ്യൂട്ടറിനു മുന്‍പിലും ഒഫീസുകളിലും മണിക്കൂറുകളോളം ഇരുന്ന്‌ ജോലി ചെയ്യുന്നവരിലും വളരെ ദൂരം യാത്ര ചെയ്യുന്നവരിലും അമിതാധ്വാനം ചെയ്യുന്നവരിലും അധ്വാനം തീരെയില്ലാത്തവരിലും വ്യായാമരഹിതമായ ജീവിതം നയിക്കുന്നവരിലും കഠിന ജോലികള്‍ ദീര്‍ഘനേരം ചെയ്യുന്നവരിലും മറ്റ്‌ രോഗങ്ങള്‍ ഇല്ലാതെ തന്നെ നടുവേദനയും കഴുത്തുവേദനയും കണ്ടുവരുന്നു.
അസ്‌ഥികളുടെ പ്രവര്‍ത്തനം
മനുഷ്യശരീരത്തെ താങ്ങി നിര്‍ത്തുന്നതിനും ശരീരത്തിന്‌ രൂപവും ചലനാത്മകതയും നല്‍കുന്നതിനും അസ്‌ഥികള്‍ക്ക്‌ സുപ്രധാന പങ്കുണ്ട്‌. മനുഷ്യ ശരീരഘടനയുടെ അടിത്തറ എന്നു പറയുന്നത്‌ 206 അസ്‌ഥികളുടെ കൂട്ടായ്‌മയായ അസ്‌ഥികൂടമാണ്‌. വലുതും, ചെറുതും, പരന്നതും, കട്ടിയുള്ളതും, മൃദുവായതുമായ അസ്‌ഥികളും ദന്തങ്ങളും, നഖങ്ങളും ഉള്‍പ്പെടെ 360 അസ്‌ഥികള്‍ വരെ ആയുര്‍വേദത്തിലെ 'അഷ്‌ടാംഗഹൃദയത്തില്‍' പ്രതിപാദിക്കുന്നുണ്ട്‌. ശരീരത്തിലെ പ്രധാന അവയവങ്ങളായ തലച്ചോറ്‌, ഹൃദയം, ശ്വാസകോശം, കരള്‍ തുടങ്ങിയവയെ പൊതിഞ്ഞു സംരക്ഷിക്കുന്നതും പേശികള്‍ക്കു താങ്ങും, ശരീരത്തിന്‌ ഉറപ്പും ബലവും നല്‍കുന്നതും അസ്‌ഥി വ്യൂഹമാണ്‌.ശരീരത്തിലെ മൊത്തം പ്രവര്‍ത്തനങ്ങളുടെ നിയന്ത്രണം ഏകോപനം എന്നീ പ്രധാനധര്‍മ്മങ്ങള്‍ നിര്‍വ്വഹിക്കുന്ന തലച്ചോറിനെയും സുഷുമ്‌നാനാഡിയെയും യഥാക്രമം തലയോടും നട്ടെല്ലും പൊതിഞ്ഞു സംരക്ഷിക്കുന്നു. കൂടാതെ അസ്‌ഥിക്കുള്ളിലെ മജ്‌ജയാണ്‌ രക്‌തത്തിലെ ചുവന്ന രക്‌താണുക്കളുടെ ഉത്ഭവസ്‌ഥാനം. അതിനാല്‍ അസ്‌ഥികള്‍ക്ക്‌ രോഗം ബാധിക്കുമ്പോള്‍ ശരീരത്തിന്റെ ആകെ പ്രവര്‍ത്തനങ്ങള്‍ താറുമാറാകാന്‍ സാധ്യതയുണ്ട്‌.
ആയുര്‍വേദ വീക്ഷണം
ആയുര്‍വേദത്തിലെ 'ത്രിദോഷ ധാതുസിദ്ധാന്ത'പ്രകാരം വാതം അസ്‌ഥിയാശ്രിതമായി സ്‌ഥിതി ചെയ്യുന്നു. വാതകോപകാരണങ്ങളായ വിപരീത ആഹാര രീതികളും ഋതുഭേദങ്ങളും അസ്‌ഥിക്ഷയത്തിനും വിവിധ രോഗങ്ങള്‍ക്കും കാരണമാകുന്നു. ഇതിന്റെ സ്വഭാവത്താലും സ്‌ഥാനഭേദത്താലും രോഗത്തിന്‌ വൈവിധ്യം ഉണ്ടാകും. ഗുണങ്ങള്‍കുറഞ്ഞതും, തണുത്തതുമായ ആഹാരങ്ങള്‍ തുടര്‍ച്ചയായി കഴിക്കുന്നതും, അധികം ഉറക്കമൊഴിയുന്നതും, അമിതാധ്വാനം, മര്‍മാഘാതങ്ങള്‍ (മര്‍മ ഭാഗങ്ങള്‍ക്കുണ്ടാവുന്ന ചതവുകള്‍), രക്‌തസ്രാവം, അസ്‌ഥിക്ഷയം, ദീര്‍ഘയാത്ര, ഉയരത്തില്‍നിന്നുള്ള വീഴ്‌ച, അമിതഭാരം ചുമയ്‌ക്കല്‍ തുടങ്ങിയവയെല്ലാം ധാതുക്ഷയത്തിനും, അതുമൂലം വാതം കൂടുന്നതിനും കാരണമാകുന്നു. മജ്‌ജയെയോ, അസ്‌ഥിയെയോ, ആശ്രയിച്ചു വാതം കോപിച്ചാല്‍ അസ്‌ഥികളും സന്ധികളും പിളര്‍ന്നു പോകുന്നതുപോലെയുള്ള വേദനയും മാംസബലക്ഷയവും ഉറക്കമില്ലായ്‌മയും ഉണ്ടാകുന്നു.
നട്ടെല്ലിന്റെ തകരാര്‍
മനുഷ്യനെ നിവര്‍ന്നു നില്‍ക്കാന്‍ പ്രാപ്‌തനാക്കുന്നത്‌ നട്ടെല്ലാണ്‌. 33 കശേരുക്കള്‍ കൊണ്ടാണ്‌ നട്ടെല്ല്‌ രൂപപ്പെട്ടിരിക്കുന്നത്‌. സെര്‍വിക്കല്‍ റീജിയനില്‍ 7 ഉം തോറാസിക്‌ റീജിയനില്‍ 12ഉം ലംബാര്‍ റീജിയനില്‍ 5ഉം സേക്രല്‍ റീജിയനില്‍ 5 ഉം കോക്‌സീ റീജിയനില്‍ 4 ഉം കശേരുക്കളാണുള്ളത്‌. ശരീരത്തിലെ പ്രധാന നാഡിയായ സുഷുമ്‌നാ നാഡി നട്ടെല്ലില്‍ കൂടി കടന്നു പോകുന്നതിനാല്‍ നട്ടെല്ലിനുണ്ടാകുന്ന ഏതുക്ഷതവും വളരെ ഗൗരവമുള്ളതാണ്‌. നട്ടെല്ലിനും സുഷ്‌മ്നാനാഡിക്കും സംഭവിക്കന്ന ക്ഷതം രോഗിയെ തളര്‍ച്ചയിലേക്കോ, മരണത്തിലേക്കോ നയിച്ചേക്കാം.
നടുവുവേദനയുടെ കാരണങ്ങള്‍
നട്ടെല്ലിനെ ബാധിക്കുന്ന അസുഖങ്ങളില്‍ പ്രധാനപ്പെട്ടവയാണ്‌ സെര്‍വിക്കല്‍ ലംബാര്‍ സ്വപോണ്ടിലോസിസ്‌ , ലംബാര്‍ ഡിസ്‌ക് പ്രോലാപ്‌സ എന്നിവ. നട്ടെല്ലിലെ കശേരുക്കളുടെ സ്‌ഥാനഭ്രംശംഗമൂലമാണ്‌ ഇവിടെ നടുവേദന അനുഭവപ്പെടുന്നത്‌. ആയുര്‍വേദത്തില്‍ ഇത്തരം അസുഖങ്ങളെ കടീഗ്രഹം, ഗ്യദ്ധസി വിഭാഗങ്ങളില്‍ ഉള്‍പ്പെടുത്തിയിരിക്കുന്നു. ലംബാര്‍ റീജിയന്‍=ല്‍ സയാറ്റിക്‌ നെര്‍വിസ്‌ ക്ഷതം സംഭവിച്ചാല്‍ നടുവിനും കാലിനും ശക്‌തമായ വേദനയും മരവിപ്പും അനുഭവപ്പെടുന്നതായി കാണുന്നു. നട്ടെല്ലിനുണ്ടാകുന്ന ക്ഷതം, സുഷ്‌മ്നാനാഡിയുമായി ബന്ധപ്പെട്ട പ്രശ്‌നങ്ങള്‍, കശേരുക്കളുടെ സ്‌ഥാനഭ്രംശം, നീര്‍ക്കെട്ട്‌, അസ്‌ഥികള്‍ക്കുണ്ടാകുന്ന ക്ഷയം , ജീര്‍ണത , ട്യൂമര്‍ തുടങ്ങി നട്ടെല്ലിനെ ബാധിക്കുന്ന നിരവധി അസുഖങ്ങളുടെ ലക്ഷണമായി നടുവേദന കാണപ്പെടുന്നു. കൂടാതെ ആര്‍ത്തവ തകരാറുകള്‍, മാംസപേശികള്‍ക്കു വരുന്ന നീര്‍ക്കെട്ട്‌, ഗര്‍ഭാശയം, വൃക്ക തുടങ്ങിയ അവയവങ്ങളെ ബാധിക്കുന്ന അസുഖങ്ങള്‍ ഇവയ്‌ക്കല്ലൊം ശക്‌തമായ നടുവേദന അനുഭവപ്പെടാം. ആദ്യമായി ശരിയായ രോഗനിര്‍ണയം നടത്തേണ്ടത്‌ അത്യാവശ്യമാണ്‌. ആധുനിക സാങ്കേതികവിദ്യകളായ എക്‌സ്റെ , സ്‌കാന്‍ മുതലായവ രോഗ നിര്‍ണ്ണയം എളുപ്പമാക്കുന്നു. മുന്‍കാലങ്ങളില്‍ സംഭവിച്ച അപകടങ്ങള്‍, വീഴ്‌ചകള്‍ എന്നിവമൂലം നട്ടെല്ലിനുണ്ടാകുന്ന ക്ഷതങ്ങളും പിന്നീട്‌ ആ ഭാഗത്ത്‌ നീര്‍ക്കെട്ടിനും വേദനയ്‌ക്കും കാരണമാകുന്നു. നീര്‍ക്കെട്ടുണ്ടായാല്‍ ആ ഭാഗത്തേക്കുള്ള രക്‌തചംക്രമണവും, ചലനവും അസാധ്യമായിത്തീരുകയും സാവധാനം ആ ഭാഗത്തെ പേശികളുടെ ശക്‌തി ക്ഷയിക്കുകയും ചെയ്യുന്നു. ഇതു ഭാവിയില്‍ നട്ടെല്ലിന്റെ ഡിസ്‌ക്കുകള്‍ തമ്മില്‍ പരസ്‌പരം തെന്നിമാറുന്ന അവസ്‌ഥയിലേക്കു നയിക്കാം. തൊറാസിക്ക്‌ റീജിയണിലും ലംബാര്‍ റീജിയണിലും നട്ടെല്ലിന്റെ ഡിസ്‌ക്കുകള്‍ തമ്മില്‍ അടുക്കുകയോ, അകലുകയോ ചെയ്യുന്നതിന്റെ ഫലമായി ആ ഭാഗത്തെ നാഡികള്‍ ഡിസ്‌കുകള്‍ക്കിടയില്‍പ്പെട്ട്‌ ഞെങ്ങി ശക്‌തമായ വേദന അനുഭവപ്പെടുന്നു. ഈ വേദന നടുവില്‍ നിന്ന്‌ കാലുകളിലേക്കും വ്യാപിക്കാം. ഈ അവസ്‌ഥയില്‍ ചിലപ്പോള്‍ രോഗിക്ക്‌ അനങ്ങുവാന്‍ പോലും സാധിക്കാത്തത്ര കഠിനമായ വേദനയും ഉണ്ടാകുന്നു.
ചികിത്സകള്‍
നടുവേദനപോലുള്ള രോഗത്തിന്‌ ആയൂര്‍വേദത്തില്‍ ഫലപ്രദമായ ചികിത്സയുണ്ട്‌. ആദ്യമായി ക്ഷതം സംഭവിച്ച ഭാഗത്ത്‌ നീര്‌ മാറുന്നതിനും, പേശികള്‍ക്കും അസ്‌ഥികള്‍ക്കും അയവു ലഭിക്കുന്നതിനും യുക്‌തമായ ലേപനങ്ങള്‍ ഉപയോഗിക്കണം.മുരിങ്ങത്തൊലി, വെളുത്തുള്ളി, കാര്‍ത്തോട്ടിവേര്‌, ദേവതാരം, കടുക്‌, ചിറ്റരത്ത, കൊട്ടം, ചുക്ക്‌, വയമ്പ്‌ ഇവ സമാനമായി പൊടിച്ചത്‌ വാളന്‍പുളിയില്‍ അരിക്കാടി തളിച്ച്‌ ഇടിച്ചു പിഴിഞ്ഞ നീരില്‍ ചാലിച്ചു ലേപനം ചെയ്യുന്നത്‌ നീരുമാറുന്നതിന്‌ സഹായകമാണ്‌.രാസ്‌നൈരണ്ഡാദി, രാസ്‌നാസപ്‌തകം, ഗുല്‍ലുപുതിക്‌തകം തുടങ്ങിയ കഷായങ്ങള്‍ രോഗാവസ്‌ഥയ്‌ക്കനുസരിച്ച്‌ മേമ്പൊടി ചേര്‍ത്ത്‌ കഴിക്കുന്നത്‌ ഫലപ്രദമാണ്‌.
കുഴമ്പുകള്‍ അല്ലെങ്കില്‍ തൈലങ്ങള്‍ പുരട്ടി പത്രപോടല സ്വേദം, ഷാഷ്‌ടിക പിണ്ഡസ്വേദം മുതലായവ ചെയ്യുന്നത്‌ നീര്‍ക്കോളും, വേദനയും മാറുന്നതിനും പേശികള്‍ക്കും അസ്‌ഥികള്‍ക്കും ബലം കിട്ടുന്നതിനും വളരെ നല്ലതാണ്‌. 15 മില്ലി നിര്‍ഗുണ്ഡിസ്വരസം (കരിനൊച്ചിയിലയുടെ നീര്‌), 15 മില്ലി ശുദ്ധി ചെയ്‌ത ആവണക്കെണ്ണയും ചേര്‍ത്ത്‌ വെറും വയറ്റില്‍ മൂന്ന്‌ ദിവസം കഴിക്കുന്നത്‌ നടുവേദനയ്‌ക്ക് ശമനം ലഭിക്കുന്നതിന്‌ സഹായിക്കുന്നു. പതിമൂന്ന്‌വിധം സ്വേദ കര്‍മ്മങ്ങള്‍ ആയുര്‍വേദ ഗ്രന്ഥങ്ങളില്‍ വിവരിക്കുന്നുണ്ട്‌. രോഗിയുടെ അവസ്‌ഥയ്‌ക്കനുസരിച്ച്‌ ഇവയില്‍ യുക്‌തമായ ചികിത്സകള്‍ ചെയ്യാവുന്നതാണ്‌. ഇങ്ങനെ ചെയ്യുന്ന സ്വേദ കര്‍മ്മങ്ങളും, തിരുമ്മു ചികിത്സയും സ്‌ഥാനഭ്രംശം സംഭവിച്ച കശേരുക്കള്‍ യഥാസ്‌ഥാനത്തു കൊണ്ടുവരുന്നതിനും, സംജ്‌ഞാന നാഡികള്‍ക്ക്‌് ബലം നല്‍കുന്നതിനും, ഞരമ്പുകളിലൂടെയുള്ള രക്‌തയോട്ടം സുഗമമാക്കുന്നതിനും സഹായിക്കുന്നു. അസ്‌ഥികള്‍, നാഡികള്‍, മര്‍മസ്‌ഥാനങ്ങള്‍ ഇവ മനസ്സിലാക്കി യഥാവിധി മര്‍ദം നല്‍കിവേണം തിരുമു ചികിത്സ ചെയ്യുവാന്‍. 'ചരക ശാസ്‌ത്രത്തില്‍' ഉന്‍മര്‍ദനം , സംവഹനം , അവപീഡനം എന്നിവ വിവരിക്കുന്നുണ്ട്‌. ഇത്തരം ചികിത്സകള്‍ക്കായി ശാസ്‌ത്രം പഠിച്ചു പരിചയസമ്പന്നരായ വ്യക്‌തികളെ മാത്രമേ സമീപിക്കാവു. അല്ലാത്ത പക്ഷം ഗുണത്തേക്കാളേറെ ദോഷമേ ഉണ്ടാകൂ. ചിട്ടയായി ചെയ്യുന്ന പഞ്ചകര്‍മ്മ ചികിത്സയും വളരെ ഗുണം ചെയ്യുന്നതായി കാണപ്പെടുന്നു.
കഴുത്തുവേദന
നടുവേദന പോലെ തന്നെ മനുഷ്യനെ ഏറ്റവും കൂടുതല്‍ അലട്ടുന്ന പ്രശ്‌നമാണ്‌ കഴുത്തുവേദന. സെര്‍വിക്കല്‍ സ്‌പോണ്ടിലോസിസ്‌ ന്റെ പ്രധാന ലക്ഷണം പിടലി, തോള്‍, കൈകള്‍ എന്നിവിടങ്ങളില്‍ അനുഭവപ്പെടുന്ന ശക്‌തമായ വേദനയാണ്‌. ചില വ്യക്‌തികളില്‍ തലയ്‌ക്കും, പുറത്തും ശക്‌തമായ വേദന അനുഭവപ്പെടാറുണ്ട്‌. സ്‌ഥാനഭ്രംശം സംഭവിച്ച കശേരുകള്‍ക്കിടയില്‍പ്പെട്ട്‌ തോള്‍, കൈകള്‍ എന്നിവിടങ്ങളിലേയ്‌ക്കുള്ള ഞരമ്പുകള്‍ ഞെരുങ്ങുന്നതു മൂലമാണ്‌ ശക്‌്തമായ വേദന അനുഭവപ്പെടുന്നത്‌. കഴുത്തിന്റെ ചലനം സുഗമമാക്കുന്നത്‌ കണ്‌ഠ പ്രദേശത്തെ ഏഴ്‌ കശേരുക്കളാണ്‌. ഇവയ്‌ക്കിടയിലെ ജലാംശം കുറയുമ്പോഴും ഈ രോഗങ്ങളുണ്ടാകാന്‍ കാരണമാകുന്നു. നസ്യം, ഗിരോസ്‌തി തുടങ്ങിയവയും സെര്‍വിക്കല്‍ സ്‌പോണ്ടിലോസിസ്‌ ഫലപ്രദമായ ചികിത്സകളാണ്‌്. ആയുര്‍വേദം ഒരു ചികിത്സാശാസ്‌ത്രമെന്നതിലുപരി ഒരു ജീവിതചര്യയാണ്‌. രോഗ ചികിത്സയ്‌ക്കു പുറമെ രോഗ പ്രതിരോധത്തിന്‌ അനുഷ്‌ഠിക്കേണ്ട ദിന ചര്യകളൊക്കയും ആഹാരക്രമങ്ങളെയും പഥ്യാനുഷ്‌ഠാനങ്ങളെയും കുറിച്ച്‌ ശാസ്‌ത്രത്തില്‍ വിശദമായി പ്രതിപാദിച്ചിട്ടുണ്ട്‌. 'രോഗം വന്നു ചികിത്സിക്കുന്നതിനേക്കള്‍ രോഗം വരാതെ നോക്കുന്നതാണ്‌ ആയുര്‍വേദ ശാസ്‌ത്രം'. വളരെയധികം പ്രാധാന്യം കൊടുക്കുന്ന ജീവിത വ്യഗ്രതയുടെ ഈ ആധുനിക യുഗത്തില്‍ മാനസിക പിരിമുറുക്കത്തിന്‌ അടിമപ്പെട്ട്‌, ഫാസ്‌റ്റ് ഫുഡിലൂടെയും മായം കലര്‍ന്ന ഭക്ഷണ പദാര്‍ത്ഥങ്ങളിലൂടെയും അന്തരീക്ഷ മലിനീകരണത്തിലൂടെയും അറിഞ്ഞോ അറിയാതെയൊ ഏറ്റുവാങ്ങുന്ന രോഗ സാഹചര്യങ്ങളെ ഒഴിവാക്കുവാന്‍ നാം ജാഗ്രത കാണിക്കണം. ഏതൊരു യന്ത്രവും സുഗമമായി പ്രവര്‍ത്തിക്കുന്നതിന്‌ യഥാസമയം ഓയിലും ഇന്ധനവും ആവശ്യമായതു പോലെ മനുഷ്യ ശരീരവും ഓരോ കാലാവസ്‌ഥകള്‍ കൊണ്ടും മറ്റു കാരണങ്ങള്‍ കൊണ്ടുമുണ്ടാകുന്ന രോഗാവസ്‌ഥകളെ തരം ചെയ്യുവാന്‍ സജ്‌ജമാക്കേണ്ടതിന്റെ ധ്വനിയാണ്‌ ആയുര്‍വേദത്തില്‍. മഴക്കാല വാതരോഗങ്ങളെ അതിജീവിക്കുവാന്‍ പഴയ നമ്മുടെ പൂര്‍വ്വികര്‍ അനുഷ്‌ടിച്ചു വന്ന തേച്ചുകുളിയും, പഥ്യനിഷ്‌ഠയോടെയുള്ള മരുന്നു സേവനവും, വ്യായാമവും അവര്‍ക്ക്‌ ദീര്‍ഘായുസ്‌ പ്രദാനം ചെയ്‌തിരുന്നു. പഴയ തലമുറ 90 ഉം 100 ഉം വര്‍ഷം ജീവിച്ചിരുന്നെങ്കില്‍ ഇന്നത്തെ തലമുറയ്‌ക്ക് 60 ത്‌ പോലും തികയ്‌ക്കുവാന്‍ സാധിക്കാതെ വരുന്ന അവസ്‌ഥ, പഴമയുടെ പെരുമയിലേയ്‌ക്കും, പൗരാണിക വൈദ്യശാസ്‌ത്രത്തിന്റെ മഹത്വത്തിലേയ്‌ക്കും ചിട്ടയായ ജീവിത ചര്യയിലേക്കുമാണ്‌ വിരല്‍ചൂണ്ടുന്നത്‌.

thumpa-തുമ്പ

സാധാരണ എല്ലാ പറമ്പുകളിലും കണ്ടുവരുന്ന കുറ്റിച്ചെടിയാണ് തുമ്പ. ഇതിന് വളരെ ഔഷധഗുണമുണ്ട്. ഇതിന്റെ ഇലകളില്‍ സവിശേഷമായ ഒരുതരം ഗ്ലൂക്കസൈഡ് ഉണ്ട്. പൂവില്‍ ആല്‍ക്കലോയ്ഡും സുഗന്ധദ്രവ്യവും അടങ്ങിയിട്ടുണ്ട്. തണ്ട്, ഇല, പൂവ് എന്നിവയെല്ലാം ഔഷധഗുണമുള്ളവയാണ്.

തുമ്പച്ചാറില്‍ കാല്‍നുര പൊടിച്ച് ചെറുതേന്‍ കൂട്ടി കവിള്‍ കൊണ്ടാല്‍ പുഴുപ്പല്ല് മാറിക്കിട്ടും.

തുമ്പയുടെ ഇലയും പൂവും കൂടി ഇടിച്ചു പിഴിഞ്ഞെടുത്ത നീരില്‍ അല്‍പം പാല്‍ക്കായം ചേര്‍ത്ത് രണ്ടോ മൂന്നോ നേരം കഴിച്ചാല്‍ വിരശല്യം മാറും. 

കണ്ണു വേദനക്കും പനിക്കും നല്ലതാണ്. കണ്ണില്‍ മുറിവുണ്ടായാല്‍ തുമ്പനീര് മുറിവില്‍ തളിക്കാം. കഷായം ഉണ്ടാക്കാന്‍ ഉപയോഗിക്കുന്നു. കണ്ണ് വേദനക്ക് മരുന്നായി ഉപയോഗിക്കുന്നു. തുമ്പയുടെ നീര് കണ്ണില്‍ ഒഴിക്കുക.

തുമ്പപ്പൂ കിഴി കെട്ടിയിട്ട് പാല്‍ക്കഞ്ഞിയുണ്ടാക്കി കഴിക്കുക. തുള്ളിപ്പനി മാറും. രാപ്പനി, ടോണ്‍സിലൈറ്റിസ് എന്നിവക്കും മരുന്നായി ഉപയോഗിക്കാം. 

മലശോധനക്കും മലേറിയക്കും, തേള്‍ വിഷത്തിനുള്ള മരുന്നായും ഇതിന്റെ ഇല ഉപയോഗിക്കുന്നു. തേള്‍ കടിച്ച ഭാഗത്ത് തുമ്പയില ചതച്ച് തേച്ചാല്‍ തേള്‍ വിഷം ശമിക്കും. 

പ്രസവാനന്തരം തുമ്പയിട്ടു തിളപ്പിച്ച വെള്ളത്തില്‍ നാലഞ്ചു ദിവസം കുളിക്കുന്നത് നല്ലതാണ്. 

തുമ്പപ്പൂ വെള്ളത്തുണിയില്‍ കെട്ടി പാലിലിട്ടു തിളപ്പിച്ച് ആ പാല്‍ കുട്ടികള്‍ക്ക് കൊടുത്താല്‍ വിരശല്യം, വയറുവേദന ഇവ ഉണ്ടാകില്ല. 

വിരശല്യത്തിന് തുമ്പനീരില്‍ പാല്‍ ചേര്‍ത്തു കഴിക്കാം. കുട്ടികളിലെ വിരശല്യത്തിന് തുമ്പയുടെ ഇലയും പൂവും കൂടി ഇടിച്ചുപിഴിഞ്ഞ് അരിച്ചെടുത്ത നീരില്‍ പാല്‍ ചേര്‍ത്തു കഴിക്കാം. 


ഗര്‍ഭാശയ ശുദ്ധിക്കും, ഗ്യാസ് ട്രബിളിനും നല്ലതാണ് തുമ്പ.

നാരങ്ങാ

ചെറുതല്ല ഈ നാരങ്ങ......------------------------------------ഇത്തിരിപ്പോന്ന വലിപ്പം കണ്ടിട്ട് ആളെ കളിയാക്കേണ്ട. ചെറുനാരങ്ങയ്ക്ക് ഗുണങ്ങള്‍ ഒരുപാടുണ്ട്. മുടിയുടെ സാരമായ പ്രശ്‌നങ്ങള്‍ക്ക് ചെറുനാരങ്ങ ഫലപ്രദമാണ്.
ഒരു കപ്പ് ചെറുനാരങ്ങാനീരില്‍ കാല്‍കപ്പ് ചൂടുവെള്ളവും ഒരു കപ്പ് ഓറഞ്ച് ജ്യൂസും ചേര്‍ത്ത് ഒരു സ്‌പ്രേ ബോട്ടിലില്‍ ഒഴിക്കുക. കുറേശ്ശെയായി മുടിയില്‍ സ്‌പ്രേ ചെയ്യുക. കേടുവന്ന മുടിയിഴകള്‍ നന്നായി വളരുന്നതിന് ഇത് സഹായിക്കും. ഈ മിശ്രിതത്തോടൊപ്പം കണ്ടീഷണര്‍ കൂടി ചേര്‍ത്ത് പുരട്ടിയാല്‍ മുടിയുടെ വരള്‍ച്ച മാറും. ഏതു തരം തലമുടിക്കാര്‍ക്കും ചെറുനാരങ്ങാനീരുകൊണ്ടുള്ള സ്‌പ്രേ ഉപയോഗിക്കാം.
ചെറുനാരങ്ങയും ഓറഞ്ചും ചേര്‍ന്ന മിശ്രിതം കൊണ്ട് മുടിക്ക് നിറം കൊടുക്കാം. ഈ മിശ്രിതത്തില്‍ കോട്ടണ്‍ മുക്കി നിറം കൊടുക്കേണ്ട ഭാഗത്ത് തേച്ചാല്‍ മതി. ഒന്നരമണിക്കൂര്‍ കഴിഞ്ഞ് ഒരിക്കല്‍കൂടി ചെറുനാരങ്ങാനീര് പുരട്ടി വീണ്ടും അര മണിക്കൂര്‍ ഇരിക്കണം. ശേഷം കണ്ടീഷണര്‍ ഉപയോഗിച്ച് തലമുടി നന്നായി കഴുകുക. നിറം മാറി വരാന്‍ മൂന്നോ നാലോ ആഴ്ച വേണ്ടിവരും. ചെറുനാരങ്ങാനീരിനൊപ്പം അല്‍പം മോയിസ്ചറൈസര്‍ ക്രീം മിക്‌സ് ചെയ്ത് പുരട്ടുക. താത്കാലികമായി മുടിയുടെ നിറം മാറ്റാം.
ചെറുനാരങ്ങാനീര് തലയോട്ടിയില്‍ തേച്ചാല്‍ രണ്ടുണ്ട് ഗുണം. താരന്‍ കുറയും. ചെറുനാരങ്ങ നല്ലൊരു കണ്ടീഷണറാണ്. ഓരോ ടേബിള്‍സ്പൂണ്‍ വീതം ഒലീവ് എണ്ണയും, തേനും, ചെറുനാരങ്ങനീരും ചേര്‍ക്കുക. ഈ മിശ്രിതം തലയില്‍ തേച്ചു പിടിപ്പിച്ച് അര മണിക്കൂര്‍ വെക്കുക. 30 മിനിട്ടിനു ശേഷം മുടി നന്നായി കഴുകാം. മുടിക്കു ചേര്‍ന്ന പ്രകൃതിദത്തമായ കണ്ടീഷണറാണിത്. ഒരേ അളവില്‍ ചെറുനാരങ്ങ നീരും വെളിച്ചെണ്ണയും എടുത്തു കാച്ചി തലയില്‍ തേക്കുന്നത് നന്ന്.മുടി വളരാനും വിദ്യയുണ്ട്. ഒരുമുട്ട, അഞ്ച് ടേബിള്‍സ്പൂണ്‍ ഹെന്ന എന്നിവ ഒരു കപ്പ് ഇളം ചൂടുവെള്ളത്തില്‍ ചേര്‍ക്കുക. അതിലേക്ക് ഒരു പകുതി ചെറുനാരങ്ങയുടെ നീരും ചേര്‍ത്ത് തലയോട്ടിയില്‍ തേക്കുക. രണ്ട് മണിക്കൂറിന് ശേഷം ഷാംപൂ ഇട്ട് കഴുകാം.
നാലു ടേബിള്‍സ്പൂണ്‍ തേങ്ങയുടെ തലപ്പാലും ഒരു ചെറുനാരങ്ങയുടെ നീരും യോജിപ്പിക്കുക. തലയോട്ടിയില്‍ തേച്ചുപിടിപ്പിച്ച് ഒരു മണിക്കൂറിനു ശേഷം കഴുകുക. ആഴ്ചയില്‍ രണ്ടോ മൂന്നോ തവണ ചെയ്താല്‍ മുടികൊഴിച്ചില്‍ ഭേദപ്പെടും. തലയിലെ രക്തയോട്ടം കൂടും. മുടിക്ക് കട്ടിയും തിളക്കവും ലഭിക്കും.
പ്രകൃതിദത്തമായ ഷാംപൂ ആണ് ചെറുനാരങ്ങനീര്. ചെറു ചൂടുവെള്ളത്തില്‍ സോപ്പ് അലിയിക്കുക. അല്പം ഒലീവ് എണ്ണയും ചെറുനാരങ്ങയുടെ നീരും ചേര്‍ത്ത് നന്നായി കുലുക്കി ഷാംപൂവായി ഉപയോഗിക്കാം. ഒരാഴ്ചവരെ ഇത് ഉപയോഗിക്കാം.
കറ്റാര്‍വാഴയുടെ നീരും ചെറുനാരങ്ങാനീരും ചേര്‍ന്ന മിശ്രിതം തലയോട്ടിയിലും തലമുടിയിലും തേക്കുക. 15 മിനിട്ടിനു ശേഷം മുടി കഴുകണം. ആഴ്ചയില്‍ മൂന്നോ നാലോ പ്രാവശ്യം ഇങ്ങനെ ചെയ്താല്‍ മുടി കൊഴിച്ചില്‍ മാറും.

ഭാരം കുറക്കല്‍

പ്രകൃതിദത്തമായി എങ്ങനെ ശരീരഭാരം കുറയ്ക്കാം . സൗന്ദര്യം വര്‍ദ്ധിപ്പിക്കാം.----
പ്രഭാതത്തില്‍ തുടങ്ങി അന്തി വരെ ഉള്ള ഭഷണ ക്രമീകരണം .
ഒന്നാം ഭാഗം .
രാവിലെ മല്ലി കാപ്പി .1. മല്ലി ....................................250 gm2. ഉലുവ ...................................50gm.3. ജീരകം ..................................10 gm4.ഏലക്ക ...................................5gm5.കുരുമുളക് ............................25gmമല്ലി ,ഉലുവ ,രണ്ടും ബ്രൌന്‍ കളര്‍ ആകുന്നതു വരെ വറുക്കുക ,ജീരകം, ഏലക്ക ചെറുതായി ചൂടാക്കുക ,ഈ അഞ്ചും കൂടി കാപ്പി പൊടിക്കും പോലെ പൊടിച്ചു തണുത്തതിനു ശേഷം കുപ്പിയില്‍ ആക്കുക . ബെഡ് കോഫീ ക്ക് പകരം ഈ കാപ്പി കുടിക്കാം .ഫലം ......ഗ്യാസ് ,കൊളോസ്ട്രോള്‍ ,ഷുഗര്‍ എന്നിവയെ നിയന്ത്രിക്കുന്നു .
രണ്ടാം ഭാഗം
മല്ലി കാപ്പി കുടിച്ചതിനും , പ്രഭാത കര്‍മ്മത്തിനും ശേഷംഒഴിഞ്ഞ വയറില്‍ ,യോഗ -മെഡിറ്റെഷെന്‍ ,or വ്യായാമം ,നടത്തം ഇതില്‍ നിത്യന ചെയുന്നത് ഏതോ അത് ചെയ്യുക ,ചെയ്യാത്തവര്‍ ഒരു യോഗ അദ്ധ്യാപകന്റെ നിര്ദേശപ്രകാരം മുകളില്‍ പറഞ്ഞ കാര്യങ്ങള്‍ ചെയ്യുക .അവനവന്റെആരോഗ്യ സ്ഥിതി അനുസരിച്ച് വേണം മുകളില്‍ പറഞ്ഞ മുറകള് ചെയ്യേണ്ടത്.കുളിച്ചതിനു ശേഷം കുമ്പളങ്ങ ജ്യുസ്കഴിക്കുക..
തയ്യാര്‍ ചെയുന്ന വിധം .1.കുമ്പളങ്ങ /തടിയങ്ങ ....100 gm (തൊലി ,കുരു, കളഞ്ഞത് )2.തഴുതാമ ....15 ഇല3.തുളസി ഇല ..... 15 ഇല4.കൂവളത്തിന്റെ ഇല ....15 ഇല5.കറുകപുല്ല് ......10 ഇല
അഞ്ചു കൂട്ടം വെള്ളവും ഒഴിച്ച് മിക്സിയില്‍ കുഴമ്പു പരുവത്തില്‍ അരച്ച് കുടിക്കുക. (അരച്ച് കഴിയുബോള്‍ ഒരു ഗ്ലാസ് കിട്ടത്തക്ക രീതിയില്‍ വെള്ളംചേര്‍ക്കുക )ഫലം ....ഭാരം കുറക്കുന്നു ,രക്തം ശുദ്ധികരിക്കുന്നു ,കൊളോസ്ട്രോള്‍, ഷുഗര്‍ നിയന്ത്രിക്കുന്നു ,ശരീര ഭംഗി കൂട്ടുന്നു .
പ്രഭാത ഭക്ഷണം----------2 ഇഡ്ഡലി ,സാമ്പാര്‍ /രണ്ടു ചപ്പാത്തി ,സാമ്പാര്‍,/അര കുറ്റി ഗോതമ്പ് പുട്ട് ,ഒരു പച്ചപഴം .കൊഴുപ്പ് കുറഞ്ഞ പാലില്‍ ഒരു ചായ
(വെളിനാട്ടില്‍ താമസിക്കുന്നവര്‍ നാട്ടില്‍ നിന്നും ഇലകള്‍ നിഴലതിട്ടു ഉണക്കി പൊടിച്ചു തയ്യാര്‍ ചെയ്തു ഒരു സ്പൂണ്‍ വീതം കുമ്പളങ്ങ ചേര്‍ത്തു ഉപയോഗിക്കാം )
രണ്ടാം ഭാഗം
യോഗ , മെഡിറ്റെഷെന്‍ ,രാവിലെ ചെയ്യുന്നതായിരിക്കും ഉത്തമം ,വ്യായാമം,നടത്തം,രാവിലെയോ ,വായ്കിട്ടോ ആവാം.പ്രഭാത ഭാഷണത്തിനും ഉച്ച ഭഷണത്തിനും ഇടയില്‍ ഒരു ജൂസ് ആകാം ,ഷുഗര്‍ ഇല്ലാത്തവര്‍ കാരറ്റ് ,ഉപയോഗിക്കാം ,അല്ലാത്തവര്‍ മുസംബി,മാങ്ങ ഉത്തമം .കഴിവതും പച്ച പഴം ഉപയോഗിക്കുക,നേന്ത്രപ്പഴം ഒഴിവാക്കുക (ഭാരം കൂട്ടും ).ആവശ്യത്തിനു സലാഡ് ഉപയോഗിക്കാം ,കുക്കുംബര്‍ കൂടുതല്‍ ഉപയോഗിക്കുക .
ഉച്ച ഭഷണം .
ചോറ് .......................ഒരു കപ്പ്ചപ്പാത്തി ..................1 എണ്ണംതോരന്‍ ,മീന്‍കറി,ഒരുകപ്പ് മോര് .(മീന്‍ കഴിവതും മത്തി, ആയില,നെത്തോലി ,തുടങ്ങിയ ചെറിയ വര്‍ഗങ്ങള്‍ .മത്തി ഏറ്റവും,ഉത്തമം .തോരന്‍ ഇലവര്ഗം ഉത്തമം ,മോര് വെണ്ണ കടെഞ്ഞെടുത്തത് ഉപയോഗിക്കാം ,വെണ്ണ അല്പ്പം മഞ്ഞളും ചേര്‍ത്ത് മുഖത്ത് പുരട്ടുന്നത് ഉത്തമം .കറിയും തോരനും മറ്റും തയ്യാര്‍ ചെയ്യുന്ന വിധം ,ചട്ടി ചൂടായാല്‍ അതില്‍ കടുക് ഇടുക ,കടുക് പൊട്ടിയതിന് ശേഷം കൊച്ചുള്ളി അരിഞ്ഞത്ഇടുക ,ശേഷം പച്ചക്കറി ഇട്ടു വരട്ടുക ,ചൂടായതിനു ശേഷം അല്പ്പം ഒലിവെണ്ണ ഒഴിക്കുക ,നേരിട്ട് എണ്ണ ചൂടാകാന്‍ പാടില്ല .തേങ്ങ ചാറ് പിഴിഞ്ഞ് കളഞ്ഞു ഉപയോഗിക്കണം .കറികളും വെന്തതിനു ശേഷം അല്പ്പം ഒലിവെണ്ണ ഒഴിച്ചാല്‍ മതിയാകും .
ഫലം.ഭാരം കുറക്കുന്നു ,ശരീരത്തിന്റെ ദുര്‍മേദസ് ഇല്ലാതാക്കുന്നു . ഭാഗം 3
കഴിഞ്ഞ ഭാഗത്തില്‍ ഉച്ച ആഹാരത്തെ പറ്റി സൂചിപ്പിച്ചിരുന്നു .കറികള് ഏതു വേണമെങ്കിലും ഉപയോഗിക്കാം ,പക്ഷെ കിഴങ്ങ് വര്‍ഗങ്ങള്‍ കഴിവതും ഒഴിവാക്കുക ,ഭാരം കൂട്ടാന്‍ സാദ്ധ്യത. കഴിവത് പച്ചക്കറികള് കൊണ്ടുള്ള കറികളാണ് ഉത്തമം .ഇലവര്‍ഗങ്ങളില്‍ ചീര,മുരിങ്ങ ഇല,ഉലുവ ഇല ,ഉള്ളി ഇല,തുടങ്ങിയ ഫൈബര്‍ അംശം കൂടുതല് ഉള്ളവ ഉപയോഗിക്കുക .ഉച്ച ആഹാരത്തിനു ശേഷം സമയം ഉള്ളവര്‍ക്ക് അല്പ്പം വിശ്രമം ആകാം .നാലുമണിക്ക് ചായ ,ഒപ്പം ബിസ്കെറ്റസ് /റെസ്ക് (മുട്ട ചേരാത്തത് )/എണ്ണയില് പോരിക്കാത്ത ലഘു ഭഷണങ്ങള്/ആവിയില്‍ ഉണ്ടാക്കിയ പലഹാരങ്ങള് ഉപയോഗിക്കാം .വയ്കിട്ടു വ്യായാമം ചെയ്യുന്നവര്‍ ഏഴു മണിക്ക് മുന്പായി ചെയ്യുക ,അതിനു ശേഷം കുമ്പളങ്ങ ജ്യുസ് ,സലാഡ്. .സലാഡില്‍ കുക്കുംബര്‍ ,ക്യാരറ്റ് ,കാബേജ് ,വലിയ ഉള്ളി പച്ച മുളക് എന്നിവ അരിഞ്ഞു അല്പ്പം ഉപ്പും ,നാരങ്ങ നീരും ചേര്‍ത്ത് ആവശ്യത്തിനു കഴിക്കുക .
ഫലം :-കൊഴുപ്പിന്റെ അംശം അല്പ്പം പോലും ഇല്ല .
നാലാം ഭാഗം
കഴിവതും അര വയറു നിറയത്തക്ക രീതിയില്‍ സാലാട് കഴിക്കുക ,അപ്പൊള്‍ ആഹാരം വളരെ കുറച്ചു മാത്രം കഴിക്കേണ്ടി വരികയുള്ളു .വൈകിട്ടത്തെ ആഹാരം .
1 .ചപ്പാത്തി ..........2 . (ഗോതമ്പില്‍ ഉണ്ടാക്കിയത് )/കുബൂസ്ആണെങ്ങില് ചെറിയ ........... 2പച്ചക്കറി /പരിപ്പ് /മീന്‍കറി .ഇതില് ഏതെങ്കിലും ചേര്‍ത്ത് കഴിക്കാം.
അല്ലങ്കില്‍
2 .ഗോതമ്പ് പുട്ട് ,ഗോതമ്പ് കഞ്ഞി ,ഉപ്പു മാവ്,ഇഡ്ഡലി,ഓട്സ് , ഇതില് ഏതെങ്കിലും കഴിക്കാം ,പുട്ടിനും ,ഉപ്പുമാവിനും ഒപ്പം പച്ചപ്പഴം ഉപയോഗിക്കാം ,ഇഡ്ഡലി ആണെങ്ങില്‍ കടലക്കറിയോ ,സാമ്പാറോ ഉപയോഗിക്കാം,പാചകം മുന്‍പ് സൂചിപ്പിച്ചത് പൊലെ കഴിവതും എണ്ണ കുറയ്ക്കുക .
വയ്കിട്ടു 8 മണിക്ക് മുന്പായി വ്യ്കിട്ടത്തെ ആഹാരം കഴിക്കണം ,ആഹാരത്തിനു ശേഷം 2 മണിക്കൂറെങ്ങിലും കഴിഞ്ഞു മാത്രമേ ഉറങ്ങാവൂ .ഉറങ്ങുന്നതിനു മുന്പായി കൊഴുപ്പ് കുറഞ്ഞ ഒരു ഗ്ലാസ് പാല് കുടിക്കാം .ഫലം .കൊളോസ്ട്രോള്‍ തീരെ ഇല്ല, ഷുഗറിന്റെ അംശം ഇല്ല, ആഹാരം നേരത്തെ കഴിച്ച് ദഹനത്തിന് ശേഷം ഉറങ്ങുന്നത് കൊണ്ട് സുഖ നിദ്ര , തടി കുറയ്ക്കാനും സാധിക്കുന്നു .

ഗ്യാസ് ട്രബിള്‍

ഗ്യാസ്‌ട്രമ്പിളിന്‌ ആയുര്‍വേദം…….
ഗ്യാസ്‌ട്രബിള്‍ ഉപദ്രവകാരിയല്ല. എന്നാല്‍ ശാരീരിക അസ്വസ്‌ഥതകള്‍ ഏറെയാണ്‌. ജീവിതശൈലിയില്‍ അല്‌പമൊന്നു ശ്രദ്ധിച്ചാല്‍ ഗ്യാസ്‌ട്രബിള്‍ അകറ്റി നിര്‍ത്താവുന്നതേയുള്ളൂ.ജോലിത്തിരക്കുകള്‍ക്കിടയില്‍ കൃത്യസമയത്ത്‌ ഭക്ഷണം കഴിക്കാന്‍ ശ്യാംമിന്‌ കഴിയാറേയില്ല. വിശപ്പുണ്ടെങ്കിലും അത്‌ കടിച്ചമര്‍ത്തിവയ്‌ക്കും. ഭക്ഷണം കഴിക്കാന്‍ സമയം കണ്ടെത്തുമ്പോഴേക്കും വയറ്റില്‍ അസ്വസ്‌ഥതകള്‍ തുടങ്ങിയിട്ടുണ്ടാവും. വയറു വീര്‍ക്കലിന്റെയും ചെറിയ ശബ്‌ദങ്ങളുടെയും രൂപത്തില്‍ ആ അസ്വസ്‌ഥതകള്‍ പുറമേ പ്രകടമാകുകയും ചെയ്യും.
ഉദരസംബന്ധമായ രോഗങ്ങള്‍ അലട്ടുന്നവരില്‍ ഭൂരിപക്ഷത്തിനും ഗ്യാസിന്റെ അസ്വസ്‌ഥതകളാണ്‌. അല്‍പം ആഹാരം കഴിച്ചാല്‍പോലും വയറ്‌ വീര്‍ക്കുക, വയറിനുള്ളില്‍ പുറമേ കേള്‍ക്കത്തക്കവിധത്തില്‍ ശബ്‌ദം, നെഞ്ചില്‍ ഭാരം കയറ്റിവച്ചതുപോലുള്ള അസ്വസ്‌ഥത, നെഞ്ചെരിച്ചില്‍, പുളിച്ചുതികട്ടല്‍, ഓക്കാനം, വായില്‍ പുളിവെള്ളം തികട്ടിവരിക, തുടര്‍ച്ചയായ ഏമ്പക്കം എന്നിങ്ങനെ പോകുന്നു ഗ്യാസ്‌ട്രബിളിന്റെ ലക്ഷണങ്ങള്‍. ചിലരില്‍ കടുത്ത മലബന്ധവും ഉണ്ടാകാറുണ്ട്‌.
ശല്യമാകുന്ന അസ്വസ്‌ഥതകള്‍ഗ്യാസ്‌ട്രബിള്‍ ഉപദ്രവകാരിയല്ല. എന്നാല്‍ ശാരീരിക അസ്വസ്‌ഥതകള്‍ ഏറെയാണ്‌. ജീവിതശൈലിയില്‍ അല്‌പമൊന്നു ശ്രദ്ധിച്ചാല്‍ ഗ്യാസ്‌ട്രമ്പിള്‍ അകറ്റി നിര്‍ത്താവുന്നതേയുള്ളൂ. പ്രമേഹം, രക്‌തസമ്മര്‍ദ്ദം, ഹൃദ്രോഗം എന്നീ രോഗങ്ങളുള്ളവരുടെ അവസ്‌ഥകൂടി കണക്കിലെടുത്തു മാത്രമേ ഗ്യാസ്‌ട്രബിള്‍ പൂര്‍ണമായി ശമിപ്പിക്കാനുള്ള ഔഷധങ്ങള്‍ നിര്‍ദ്ദേശിക്കാന്‍ കഴിയൂ.ആഹാരത്തില്‍ താല്‍പര്യക്കുറവ്‌, വയറിനുള്ളില്‍ ഉരുണ്ടുകയറ്റം, നെഞ്ചുരുക്കം, ഇടയ്‌ക്കിടെ ഏമ്പക്കം, തലവേദന, പിടലിവേദന, തലയുടെ പുറകില്‍ പെരുപ്പ്‌, മഞ്ഞനിറത്തിലുള്ള വെള്ളം ഛര്‍ദ്ദിക്കുക, മലശോധനയുടെ രീതിയില്‍ വ്യത്യാസം, കീഴ്‌ വായു പോകുക എന്നീ ലക്ഷണങ്ങള്‍ ഗ്യാസ്‌ട്രബിളിന്റെ ലക്ഷണങ്ങളാണ്‌.സ്വയം ചികിത്സയിലൂടെ രോഗലക്ഷണങ്ങളെ മൂടിവയ്‌ക്കാന്‍ ശ്രമിക്കുന്നത്‌ അള്‍സര്‍ പോലുള്ള രോഗങ്ങള്‍ക്കു കാരണമാകുന്നു.
ഒഴിവാക്കേണ്ടത്‌ജീവിതക്രമത്തിലെ അപഥ്യങ്ങളും ക്രമം തെറ്റിയ ആഹാരവിഹാരങ്ങളും ജീവിതശൈലിയും പാശ്‌പാത്യ ഭക്ഷണരീതിയും ഗ്യാസ്‌ട്രബിളിനുള്ള മുഖ്യ കാരണങ്ങളാണ്‌.ശരീരത്തിന്‌ ഹിതമല്ലാത്ത ആഹാരപാനീയങ്ങള്‍, പാലും മീനുംപോലുള്ള വിരുദ്ധ ആഹാരങ്ങള്‍, ആഹാരം കഴിച്ചാലുടന്‍ പചനവ്യൂഹത്തെ മരവിപ്പിക്കുന്ന ഐസ്‌ക്രീം പോലുള്ള തണുത്ത ഭക്ഷണം കഴിക്കുക, ദുഷിച്ചതും പഴകിയതുമായ ആഹാരവസ്‌തുക്കള്‍, എണ്ണയില്‍ വറുത്തതും എരിവും പുളിയും അധികം ഉള്ളതുമായവ, കേടാകാതിരിക്കാനും പഴക്കം അറിയാതിരിക്കാനുമായി രാസപദാര്‍ഥങ്ങള്‍ ചേര്‍ത്ത ഭക്ഷണം ഇവയെല്ലാം ഗ്യാസ്‌ട്രബിളിന്‌ വഴിവയ്‌ക്കും.
ഗ്യാസ്‌ ട്രബിളിനുള്ള മറ്റു കാരണങ്ങള്‍ആഹാരം കഴിച്ച ഉടനുള്ള ഉറക്കം, വിശന്നാലും ആഹാരം കഴിക്കാതിരിക്കുക, ആഹാരകാര്യത്തിലുള്ള സമയനിഷ്‌ഠയില്ലായ്‌മ, ആഹാരം കഴിക്കുമ്പോള്‍ വെള്ളം കുടിക്കുക, കഴിച്ച ആഹാരം പൂര്‍ണമായി ദഹിക്കും മുമ്പ്‌ വീണ്ടും ആഹാരം കഴിക്കുക,ഉരുളക്കിഴങ്ങ്‌, ചെറുപഴം, തുവരപ്പരിപ്പ്‌, എരിവ്‌, ഇവയുടെ അമിതഉപയോഗം. മദ്യപാനവും പുകവലിയും അമിതമാകുക.അമിത മനസംഘര്‍ഷങ്ങള്‍, ആധി, ഭയം, ഉത്‌കണ്‌ഠ എന്നിവ ഗ്യാസ്‌ട്രബിള്‍ ക്ഷണിച്ചുവരുത്തുന്നവയാണ്‌.മുകളില്‍ പറഞ്ഞ കാരണങ്ങളാല്‍ വാതാദിദോഷങ്ങള്‍ വര്‍ധിച്ച്‌ പാചകാഗ്നിയെ കെടുത്തുന്നു. ഇതുമൂലം എത്ര ലഘുവായ ആഹാരം കഴിച്ചാലും ദഹിപ്പിക്കുവാനുള്ള കഴിവ്‌ ഇല്ലാതാക്കുന്നു. ദഹിക്കാതെയുള്ള അവസ്‌ഥയില്‍ ആഹാരം ആമാശയത്തില്‍ കെട്ടിനിന്ന്‌ പുളിച്ചു തികട്ടുന്നു. അതുവഴി കഴിക്കുന്ന ആഹാരത്തിന്റെ ദഹനവും ആഗീരണവും തകരാറിലാകും. എന്തു കഴിച്ചാലും ഭാഗികമായി മാത്രം ദഹിച്ച്‌ കെട്ടിക്കിടന്ന്‌ ദുഷിച്ച്‌ അമ്ലസ്വഭാവത്താല്‍ പുളിച്ചുതികട്ടലും മനംപുരട്ടലും മറ്റ്‌ അസ്വസ്‌ഥതകളും ഉണ്ടാകുന്നു.ദഹിക്കാതെ ദുഷിച്ച ഭക്ഷണവസ്‌തുക്കളില്‍ ബാക്‌ടീരിയയുടെ പ്രവര്‍ത്തന ഫലമായി വായു ഉണ്ടാകുന്നു. ഇത്‌ ഏമ്പക്കരൂപത്തില്‍ പുറന്തള്ളപ്പെടും. ഈ വായുവിനെ ഫലപ്രദമായി പുറത്തുവിടാന്‍ ആമാശയത്തിന്‌ കഴിഞ്ഞാല്‍ ഗ്യാസ്‌ട്രബിളിന്റെ ശല്യം ശമിക്കുന്നതാണ്‌. ദഹനശക്‌തി വര്‍ധിപ്പിക്കുന്ന മരുന്നുകളും പഥ്യാഹാരങ്ങളും ഇതിനൊപ്പം നല്‍കുന്നു.
ഗ്യാസ്‌ട്രബിള്‍ ഒഴിവാക്കാന്‍സമയംതെറ്റി ഭക്ഷണം കഴിക്കുന്ന അല്ലെങ്കില്‍ കിഴങ്ങുവര്‍ഗങ്ങള്‍ കഴിക്കുന്ന എല്ലാവര്‍ക്കും ഗ്യാസ്‌ട്രമ്പിള്‍ ഉണ്ടാകുന്നില്ലല്ലോ. മിക്കവര്‍ക്കും ഇങ്ങനെ ഒരു സംശയം തോന്നാം. ഓരോരുത്തരുടെയും ശരീരപ്രകൃതിയിലുള്ള വ്യതിയാനമാണ്‌ ഇതിനു കാരണം. നല്ല ദഹനശക്‌തിയുള്ളവരില്‍ ഗ്യാസ്‌ട്രബിള്‍ ഉണ്ടാകില്ല.ഹിതവും മിതവുമായ ആഹാരം കൃത്യസമയത്തു നന്നായി ചവച്ചരച്ചു കഴിക്കണം.തണുത്ത ഭക്ഷണപാനീയങ്ങളും എണ്ണയില്‍ വറുത്തതും മുളകും മസാലയും കൂടുതല്‍ ചേര്‍ത്തതുമായ ഭക്ഷ്യവസ്‌തുക്കള്‍ ഒഴിവാക്കുന്നതാണ്‌ നല്ലത്‌. മനസ്‌ സംഘര്‍ഷരഹിതവും സ്വസ്‌ഥവും പ്രസന്നവുമായിരിക്കാന്‍ ശ്രദ്ധിക്കണം. ചായയും കാപ്പിയും ഒരു ദിവസം രണ്ടെണ്ണത്തില്‍ കൂടരുത്‌. പുകവലിയും മദ്യപാനവും പൂര്‍ണമായി ഉപേക്ഷിക്കുക. വെളുത്തുള്ളിയും കുരുമുളകും ചേര്‍ത്ത രസവും കറിവേപ്പിലയും മഞ്ഞളും ചേര്‍ത്തുകാച്ചിയ മോരും ധാരാളം ഉപയോഗിക്കാവുന്നതാണ്‌. മായം ചേര്‍ത്ത ഭക്ഷണപാനീയങ്ങള്‍ അജിനോമോട്ടോ ചേര്‍ത്ത ചൈനീസ്‌ ഭക്ഷണങ്ങള്‍ ഇവ വര്‍ജിക്കണം.
ഔഷധങ്ങള്‍ഗന്ധര്‍വഹസ്‌താദി കഷായം, സുകുമാരംകഷായം, ഹിംഗുവചാദിചൂര്‍ണം, ധാന്വന്തരം ഗുളിക, വില്വാദിലേഹ്യം, ദശമൂലഹരിതകിലേഹ്യം തുടങ്ങിയ ഔഷധങ്ങള്‍ വിദഗ്‌ധ മേല്‍നോട്ടത്തില്‍ ഉപയോഗിക്കുന്നത്‌ ഗ്യാസ്‌ട്രബിളിന്‌ ഫലപ്രദമാണ്‌. പഥ്യം കൃത്യമായി പാലിക്കണം. വെളുത്തുള്ളി ചതച്ചിട്ട ചൂടുപാല്‍ കുടിക്കുന്നത്‌ ഗ്യാസിട്രമ്പിളിന്റെ അസ്വസ്‌ഥതകള്‍ കുറയ്‌ക്കും. ദഹനത്തെ സഹായിക്കുന്ന യോഗാസനങ്ങളും വ്യായാമങ്ങളും ശീലിക്കുക. ഒരേ സ്‌ഥലത്ത്‌ തുടര്‍ച്ചയായി ഇരിക്കുന്നത്‌ കുടലുകളുടെയും ആമാശയത്തിന്റെയും ചലനത്തെ ദോഷകരമായി ബാധിക്കും. ഇത്‌ ദഹനം തകരാറിലാക്കാം. അതിനാല്‍ ഓഫീസിലും മറ്റും തുടര്‍ച്ചയായി ഇരിക്കാതെ ഇടയ്‌ക്കിടെ എഴുന്നേറ്റ്‌് നടക്കുക.
ഗ്യാസ്‌ ട്രബിളിള്‍ അകറ്റാന്‍അയമോദകം ചേര്‍ത്തു തിളപ്പിച്ച വെള്ളം ചെറുചൂടോടെ കുടിക്കുക.ജാതിക്ക അരച്ച്‌ തേന്‍ചേര്‍ത്തു കഴിക്കുക. കറിവേപ്പില വെള്ളം തൊടാതെ അരച്ച്‌ മോരില്‍ കഴിക്കുക. മുരിങ്ങയില തോരന്‍വച്ച്‌ ദിവസേന കഴിക്കുക, വെളുത്തുള്ളി ചതച്ച്‌ ഇഞ്ചിനീരില്‍ കഴിക്കുക.ചുക്ക്‌, ഗ്രാമ്പു, ജീരകം, ഏലയ്‌ക്കാ ഇവ സമം പൊടിച്ച്‌ മൂന്നുനേരം കഴിക്കുക. കായം, ശതകുപ്പ, കടുക്ക ഇവ പൊടിച്ച്‌ തേന്‍ചേര്‍ത്ത്‌ ആഹാരത്തിനു മുമ്പു കഴിക്കുക. ഒരുകഷണം ഇഞ്ചി ഏലയ്‌്ക്കാ വെളുത്തുള്ളി ഇവ ചേര്‍ത്ത്‌ മൂന്നുനേരം കഴിക്കുക. വെളുത്തുള്ളി ചൂടുപാലില്‍ രാത്രി കഴിക്കുക.വിവരങ്ങള്‍ക്ക്‌കടപ്പാട്‌: പ്രൊഫ. ഡോ. കെ മുരളീധരന്‍.

ചൂട് കുരു

ചൊറിച്ചിലും, അസ്വസ്ഥതകളുമുണ്ടാക്കുന്ന ചുവന്ന നിറത്തിലുള്ള ചൂടുകുരുക്കള്‍ വേനല്‍കാലങ്ങളില്‍ പലരും നേരിടുന്ന ഒരു പ്രശ്നമാണ്. ഇത് ചര്‍മ്മത്തിനെ ദോഷകരമായി രീതിയില്‍ ബാധിക്കുകയും ചെയ്യും. ഇവ ശരീരത്തിലെവിടയും കാണാമെങ്കിലും പ്രധാനമായും കാണുന്നത് മുഖം, കഴുത്ത്, പുറം, നെഞ്ച്, തുടകള്‍ എന്നിവിടങ്ങളിലാണ്.ചൂടുകുരുവിന് ഫലപ്രദമായ പ്രതിവിധിയാണ് ഓട്ട്സ്. അല്പം ഓട്ട്സ് ബാത്ത് ടബ്ബിലിട്ട് നല്ലതുപോലെ ഇളക്കുക. തുടര്‍ന്ന് ഇതില്‍ പതിനഞ്ച് മിനുട്ടെങ്കിലും കിടക്കുക. ഇത് ചര്‍മ്മത്തിന് വളരെ ഗുണം ചെയ്യും. ദിവസം രണ്ട് തവണ ഇത് ചെയ്യുക.കടുത്ത ചൂടില്‍ നിന്നും ചൂടുകുരുവില്‍ നിന്നും മുക്തി ലഭിക്കാനുപയോഗിക്കാവുന്ന ഒന്നാണിത്. ചൂടുകുരു കാണപ്പെടുന്ന സ്ഥലങ്ങളില്‍ ചെറിയ ഐസ് ക്യൂബുകള്‍ കൊണ്ട് ഉരയ്ക്കുക. ഇത് വളരെ ഗുണം ചെയ്യും.രണ്ട് സ്പൂണ്‍ സാന്‍ഡല്‍ പൗഡറും, മല്ലിപ്പൊടിയും എടുക്കുക. അതില്‍ രണ്ടോ മൂന്നോ സ്പൂണ്‍ പനിനീര്‍ ചേര്‍ത്ത് പേസ്റ്റുണ്ടാക്കുക. ഇത് ചൂടുകുരു ഉള്ള സ്ഥലങ്ങളില്‍ തേച്ച് ഉണങ്ങാനനുവദിക്കുക. ശേഷം തണുത്ത വെള്ളം ഉപയോഗിച്ച് കഴുകുക.ഫുള്ളേഴ്സ് എര്‍ത്ത് അഥവാ മുള്‍ട്ടാണി മിട്ടി എന്ന മണ്ണ് വളരെ ഫലപ്രദമായ ഒന്നാണ്. നാല് അഞ്ച് ടേബിള്‍സ്പൂണ്‍ പൊടിയില്‍ രണ്ട്-മൂന്ന് ടേബിള്‍സ്പൂണ്‍ പനിനീരും, അത്ര തന്നെ വെള്ളവും ചേര്‍ത്ത് പേസ്റ്റ് ഉണ്ടാക്കുക. ഇത് ചൂടുകുരു ഉള്ള സ്ഥലങ്ങളില്‍ തേച്ച് രണ്ടുമൂന്ന് മണിക്കൂര്‍ ഉണങ്ങാന്‍ അനുവദിക്കുക. തുടര്‍ന്ന് തണുത്തവെള്ളത്തില്‍ കഴുകുക.ഒരു കോട്ടണ്‍ തുണിയോ, സ്പോഞ്ചോ തണുത്തവെള്ളത്തില്‍ മുക്കി ചൂടുകുരു ഉള്ള ഭാഗത്ത് അല്പസമയം വെയ്ക്കുക. ഇത് ദിവസം രണ്ടോ മൂന്നോ തവണ ആവര്‍ത്തിക്കുക. ഇത് പെട്ടന്ന് തന്നെ ചൂടുകുരുവിന് ആശ്വാസം തരും.അരയാലിന്റെ തോല്‍ ചൂടുകുരുവിന് ഫലപ്രദമാണ്. തൊലി ഉണക്കിപ്പൊടിച്ച് ചൂടുകുരു ഉള്ള ഭാഗങ്ങളില്‍ തേക്കുക. പെട്ടന്ന് തന്നെ ശമനം കിട്ടും.കുറെ വേപ്പിലയെടുത്ത് നല്ലതുപോലെ അരയ്ക്കുക. ഇത് ചര്‍മ്മത്തില്‍ തേച്ച് പിടിപ്പിച്ച് ഉണങ്ങാനനുവദിക്കുക. വേപ്പിലയില്‍ അടങ്ങിയിരിക്കുന്ന ആന്‍റി ബാക്ടീരിയല്‍ ഘടകം രോഗാണുക്കളെ നീക്കം ചെയ്ത് പെട്ടന്ന് തന്നെ ആശ്വാസം നല്കും.ഒരു ടീസ്പൂണ്‍ സോഡ പൊടി ഒരു കപ്പ് തണുത്തവെള്ളത്തില്‍ കലക്കുക. ഒരു വൃത്തിയുള്ള ഒരു തുണി ഇതില്‍ മുക്കിപ്പിഴിഞ്ഞ ശേഷം ചൂടുകുരു ഉള്ള ഭാഗങ്ങളില്‍ വെയ്ക്കുക. വെള്ളം ചൂടുകുറയ്ക്കുമ്പോള്‍ ബേക്കിംഗ് സോഡ ചൊറിച്ചിലും അസ്വസ്ഥതകളും കുറയ്ക്കും. നല്ല ഫലം കിട്ടാന്‍ ദിവസം നാലഞ്ച് തവണ ഇത് ആവര്‍ത്തിക്കുക.ദിവസവും ധാരാളം നാരങ്ങവെള്ളം കുടിക്കുന്നത് ചൂടുകുരു കുറയ്ക്കാന്‍ സഹായിക്കും. ദിവസം മൂന്ന് നാല് ഗ്ലാസ്സ് നാരങ്ങവെള്ളം കുടിച്ചാല്‍ രണ്ടാഴ്ചകൊണ്ട് തന്നെ ഫലം കാണാനാവും.ചോളത്തിന്റെ പൊടി വെള്ളം ചേര്‍ത്ത് പേസ്റ്റ് രൂപത്തിലാക്കുക. ഇത് ചൂടുകുരുവുള്ള ഭാഗങ്ങളില്‍ തേച്ച് അര മണിക്കൂറോളം ഉണങ്ങാന്‍ അനുവദിക്കുക. തുടര്‍ന്ന് തണുത്ത വെള്ളത്തില്‍ കുളിക്കുക. ശരീരത്തില്‍ തേച്ച ചോളം നല്ലതുപോലെ കഴുകിക്കളയുക.വീടുകളില്‍ കറ്റാര്‍ വാഴ വളര്‍ത്തുന്നത് വളരെ നല്ലതാണ്. ഏറെ ഔഷധമൂല്യമുള്ളതാണ് കറ്റാര്‍വാഴ. ഇതിന്റെ ഇലയില്‍ നിന്നുള്ള ജെല്‍ ചൂടുകുരുവിന്‍റെ പ്രശ്നമുള്ള സ്ഥലങ്ങളില്‍ തേക്കുക. അല്പസമയം കഴിഞ്ഞ് തണുത്ത വെള്ളത്തില്‍ കുളിക്കുക.ശരീരത്തോട് ഇറുകി കിടക്കുന്ന വസ്ത്രങ്ങള്‍ വേനല്‍കാലത്ത് ഒഴിവാക്കുക.ക്രീമുകളും ഓയിലുകളും ഉപയോഗിക്കാതിരിക്കുക. ഇവ ചൂടുകുരു തടയില്ല എന്ന് മാത്രമല്ല, ചര്‍മ്മ സുഷിരങ്ങള്‍ അടയാനുമിടയാക്കും.

കര്‍പ്പൂരത്തിന്റെ സൗന്ദര്യവശങ്ങള്‍

പൂജാസാമഗ്രികളില്‍ പ്രധാനമാണ് കര്‍പ്പൂരം. പൂജാദ്രവ്യമെന്നതിലുപരിയായി കര്‍പ്പൂരത്തിന് ഔഷധഗുണങ്ങളും ഏറെയുണ്ട്. ചിലതരം മരുന്നകള്‍ ഉണ്ടാക്കാന്‍ കര്‍പ്പൂരം ഉപയോഗിക്കാറുണ്ട്. ഇതുപോലെ ചര്‍മത്തിനും മുടിയ്ക്കും സംരക്ഷണം നല്‍കുന്നതു വഴി നല്ലൊരു സൗന്ദര്യോപാധിയായും കര്‍പ്പൂരത്തെ കണക്കാക്കാം. കര്‍പ്പൂരത്തിന്റെ സൗന്ദര്യ, ആരോഗ്യവശങ്ങള്‍ എന്തൊക്കെയെന്നറിയൂ. 


 പൊള്ളലിന്റെ പാടുകള്‍ നീക്കാനും കര്‍പ്പൂരം നല്ലതാണ്. അല്‍പം കര്‍പ്പൂരം വെള്ളത്തില്‍ ചാലിച്ച് ഈ ഭാഗത്തു പുരട്ടിയാല്‍ മതിയാകും. എന്നാല്‍ പൊള്ളല്‍ മുഴുവന്‍ ഭേദമായതിനു ശേഷം മാത്രം ഇങ്ങനെ ചെയ്യുക. അല്ലെങ്കില്‍ അണുബാധയ്ക്കു സാധ്യത കൂടുതലാണ്.

 മുഖക്കുരുവും മുഖക്കുരു പാടുകളും പരിഹരിക്കാനുള്ള നല്ലൊരു വഴി കൂടിയാണ് കര്‍പ്പൂരം. കര്‍പ്പൂരതൈലം കിട്ടും. ഇതു പുരട്ടി നോക്കൂ. അല്ലെങ്കില്‍ ഫേസ് പായ്ക്കില്‍ അല്‍പം കര്‍പ്പൂരം ചേര്‍ത്താലും മതിയാകും.

 ചര്‍മത്തിലുണ്ടാകുന്ന പാടുകള്‍ പരിഹരിക്കാനും കര്‍പ്പൂരം പുരട്ടുന്നത് നല്ലതാണ്.


 വിണ്ടുപൊട്ടിയ ഉപ്പുറ്റികള്‍ക്കുള്ള നല്ലൊരു പരിഹാരം കൂടിയാണ് കര്‍പ്പൂരം. വെള്ളത്തില്‍ കര്‍പ്പൂരം കലക്കി ഇതില്‍ കാലുകള്‍ ഇറക്കി വച്ചാല്‍ മതിയാകും.  

മുടിയുടെ വളര്‍ച്ചയ്ക്കും കര്‍പ്പൂരം നല്ലതാണ്. തേയ്ക്കുന്ന എണ്ണയില്‍ കര്‍പ്പൂരം ചേര്‍ത്തിളക്കാം. മുടി വളര്‍ച്ചയ്ക്കും മുടിയ്ക്കു തിളക്കവും മൃദുത്വവും ലഭിയ്ക്കുന്നതിനും ഇത് നല്ലതാണ്. കര്‍പ്പൂരതൈലത്തില്‍ അല്‍പം തൈരോ മുട്ടയോ ചേര്‍ത്താല്‍ കൂടുതല്‍ നല്ലതാണ്.


മുടികൊഴിച്ചിലിനും കര്‍പ്പൂരം നല്ലതാണ്. കര്‍പ്പൂരം ചേര്‍ത്ത എണ്ണയുപയോഗിച്ച് തല മസാജ് ചെയ്യാം. സ്‌ട്രെസ് കുറയ്ക്കാനും റിലാക്‌സ് ചെയ്യാനും കര്‍പ്പൂരം ചേര്‍ത്ത എണ്ണ കൊണ്ട് തല മസാജ് ചെയ്യുന്നത് നല്ലതാണ്.  

മോണയിലെ രക്തസ്രാവം തടയാം

മോണയിലെ രക്തസ്രാവം തടയാം
മോണയില്‍ നിന്ന് രക്തം വരുന്ന പ്രശനം അനുഭവിക്കുന്നവര്‍ക്ക് വീട്ടില്‍ തന്നെ അതിന് എളുപ്പത്തില്‍ പരിഹാരം കാണാനാവും. നാരങ്ങ വര്‍ഗ്ഗത്തില്‍പ്പെട്ട പഴങ്ങളും, പാല്‍, പച്ചക്കറികള്‍, ബേക്കിംഗ് സോഡ, ഗ്രാമ്പൂ, ഗ്രാമ്പൂ എണ്ണ, കര്‍പ്പൂരതുളസി, പുതിന ഓയില്‍, ജമന്തി ഓയില്‍, ഉപ്പ് എന്നിവ ഉപയോഗിച്ചും, മോണ മസാജ് ചെയ്യുക, പുകവലി, കൊഴുപ്പ് കൂടിയ ഭക്ഷണങ്ങള്‍ എന്നിവ ഒഴിവാക്കുക വഴിയും മോണയിലെ രക്തം വരവ് തടയാം. മോണയില്‍ നിന്ന് രക്തം വരുന്നത് ചികിത്സിക്കേണ്ടുന്ന അവസ്ഥയാണ്. ഈ സമയത്ത് മോണ വീര്‍ക്കുകയും, കട്ടിയുള്ള ഭക്ഷണസാധനങ്ങള്‍ ചവയ്ക്കുമ്പോള്‍ രക്തം വരുകയും ചെയ്യും. വായിലെ ശുചിത്വക്കുറവാണ് ഈ പ്രശ്നത്തിന് പിന്നിലെ പ്രധാന കാരണം. എന്നാല്‍ ഗര്‍ഭം, വിറ്റാമിന്‍ കുറവ്, ലുക്കീമിയ, രക്തപിത്തം, അണുബാധ എന്നിവയും രോഗത്തിന് കാരണമാകും. ഏതാനും ആഴ്ചകളിലെ വീട്ടുചികിത്സ കൊണ്ട് തന്നെ ഈ പ്രശ്നത്തിന് പരിഹാരം കാണാനാവും. മോണയില്‍ നിന്ന് രക്തം വരുന്നത് സാധാരണ ഗതിയില്‍ സ്ഥിരമായുണ്ടാവും. പ്ലേറ്റ്ലെറ്റ് തകരാറ്, ലുക്കീമിയ തുടങ്ങിയ ഗുരുതരമായ പ്രശ്നങ്ങളാലും മോണയില്‍ നിന്ന് രക്തം വരാം. ശ്രദ്ധയോടെ കൈകാര്യം ചെയ്തില്ലെങ്കില്‍ മോണപഴുപ്പും, കഠിനമായ വേദനയും ഉണ്ടാവുകയും ചെയ്യും. മോണയില്‍ നിന്ന് രക്തം വരുന്നത് പല തരത്തിലും തിരിച്ചറിയാം. പല്ലുതേക്കുമ്പോളോ, തുപ്പുമ്പോളോ, ഉമിനീരില്‍ രക്തത്തിന്‍റെ അംശം കാണാം. നാര്കൂടുതലായടങ്ങിയതോ, കടുപ്പം കൂടിയതോ ആയ ഭക്ഷണ സാധനങ്ങള്‍ കഴിക്കുമ്പോഴും രക്തം വരാം. വായ്നാറ്റവും ഇതിന്‍റെ ലക്ഷണമാണ്. ഇതിന്റെ പ്രതിവിധികള്‍ അറിയൂ,
നാരങ്ങ വര്‍ഗ്ഗത്തിലുള്ള പഴങ്ങള്‍ വിറ്റാമിന്‍ സിയുടെ കുറവ് മോണയില്‍ നിന്നുള്ള രക്തസ്രാവത്തിനുള്ള പ്രധാന കാരണമാണ്. ഓറഞ്ച്, നാരങ്ങ തുടങ്ങിയവയും, കാബേജ്, കോളിഫ്ലവര്‍ എന്നിവയും വിറ്റാമിന്‍ സി ധാരാളമായി അടങ്ങിയവയായതിനാല്‍ ഇവ കഴിക്കുന്നത് വഴി രോഗശമനം
പാല്‍ കാല്‍സ്യം ധാരാളമായി അടങ്ങിയതാണ് പാല്‍. പാല്‍ കഴിക്കുന്നത് വഴി മോണകളെ ശക്തിപ്പെടുത്താം. പതിവായി പാല്‍ ഉപയോഗിച്ചാല്‍ പ്രശ്നപരിഹാരം ലഭിക്കും.
പച്ചക്കറികള്‍
പച്ചക്കറികള്‍ വേവിക്കാതെ തന്നെ ചവച്ചരച്ച് കഴിക്കുക. ഇതു വഴി പല്ല് വൃത്തിയാവുകയും മോണകളിലെ രക്തയോട്ടം വര്‍ദ്ധിപ്പിക്കുകയും ചെയ്യുന്നു. ഇത് എല്ലാ ദിവസവും തുടരുക.
ക്രാന്‍ബെറി
ക്രാന്‍ബെറിയും, ഗോതമ്പ്ചെടിയുടെ ഇലയുടെ നീരും മോണയിലെ രക്തസ്രാവത്തിന് പരിഹാരം നല്കും. ക്രാന്‍ബെറി ജ്യൂസിലെ ആന്‍റി ബാക്ടീരിയല്‍ ഘടകങ്ങള്‍ മോണയിലെ അണുക്കളെ നീ്ക്കം ചെയ്യും.
ബേക്കിംഗ് സോഡ
വിരലുപയോഗിച്ച് ബേക്കിംഗ് സോഡ മോണയിലേക്ക് വെയ്ക്കാം. ബേക്കിംഗ് സോഡ ഉമിനീരിലെ ആസിഡുമായി പ്രവര്‍ത്തിച്ച് ബാക്ടീരിയകളെ ഇല്ലാതാക്കും.
ഗ്രാമ്പൂ ഗ്രാമ്പൂ വായിലിട്ടിരിക്കുകയോ, അല്ലെങ്കില്‍ ചവയ്ക്കുകയോ ചെയ്യാം. അതല്ലെങ്കില്‍ ഗ്രാമ്പൂ ഓയില്‍ മോണയില്‍ പുരട്ടാം. പല്ലുമായി ബന്ധപ്പെട്ട പ്രശ്നങ്ങളില്‍ പണ്ടുകാലം മുതലേ ഉപയോഗിക്കുന്ന ഒരൗഷധമാണ് ഗ്രാമ്പൂ.
തുളസി,പുതിനയെണ്ണ
പല്ല് തേക്കുമ്പോള്‍ പുതിനയെണ്ണയോ, തുളസി നീരോ ഉപയോഗിക്കാം. ഇതുവഴി വായ വൃത്തിയുള്ളതും, അണുവിമുക്തവുമാകും.
ജമന്തിപ്പൂകാലെന്‍ഡുല എന്ന സൂര്യകാന്തിയിനത്തിന്‍റെ ഇലയോ, ജമന്തിപ്പൂവില്‍ നിന്ന് നിര്‍മ്മിക്കുന്നതോ ആയ ചായയോ കുടിച്ചാല്‍ മോണയില്‍ നിന്നുള്ള രക്തസ്രാവം നില്‍ക്കും.
ഉപ്പുവെള്ളം പല്ല് തേച്ച് കഴിഞ്ഞ ശേഷം ചെറുചൂടുള്ള വെള്ളത്തില്‍ അല്പം ഉപ്പുചേര്‍ത്ത് വായില്‍കൊള്ളുക. വളരെ ഫലപ്രദമായ ഒരു മാര്‍ഗ്ഗമാണിത്.
മസാജിങ്ങ് പല്ല് തേച്ചതിന് ശേഷം വിരലുപയോഗിച്ച് മോണയില്‍ മസാജ് ചെയ്യുക. ഇതുവഴി രക്തയോട്ടം വര്‍ദ്ധിക്കുകയും, മോണകള്‍ ശക്തിപ്പെടുകയും രക്തം വരുന്നത് കുറയുകയും ചെയ്യും.
കൊഴുപ്പ് കുറയ്ക്കുക
കൊഴുപ്പ് ധാരാളമടങ്ങിയതും, മസാലകള്‍ ചേര്‍ത്തതും,കടുപ്പമുള്ളതുമായ ഭക്ഷണ സാധനങ്ങള്‍ കഴിക്കുന്നത് പല്ലിലെ പോടുകളില്‍ അവ അടിയാനും മോണപഴുപ്പിനും, രക്തസ്രാവത്തിനും കാരണമാകും. അധികം കൊഴുപ്പ് അടങ്ങിയ ഭക്ഷണങ്ങള്‍ ഒഴിവാക്കുക.
പുകവലി ഒഴിവാക്കുക പുകവലി വഴി വായില്‍ ചിലതരം ബാക്ടീരിയകള്‍ വളരാന്‍ ഇടയാകും. വായില്‍ ബാക്ടീരിയകളില്ലാത്ത നിലയിലായിരിക്കാന്‍ പുകവലി ഒഴിവാക്കുക.

നരച്ചമുടി പരിഹാരം

പണ്ട് നര പ്രായമായതിന്റെ ലക്ഷണമായിരുന്നു. എന്നാല്‍ ഇപ്പോഴത്തെ സ്‌ട്രെസും പരിസരമലിനീകരണവും ജീവിത ശൈലികളും മറ്റും ചെറുപ്പക്കാരിലും നര വളര്‍ത്തുകയാണ്. നരച്ച മുടി കറുപ്പിയ്ക്കാന്‍ മിക്കവാറും പേര്‍ ആശ്രയിക്കുന്നത് ഹെയര്‍ ഡൈകളെയാണ്. എന്നാല്‍ ഇതിന് ദോഷവശങ്ങളും ഏറെയുണ്ട്. സ്വാഭാവിക രീതിയില്‍ മുടി കറുപ്പിയ്ക്കുവാന്‍ ചില വഴികളുണ്ട്. ഇത്തരം വഴികള്‍ ഏതൊക്കെയെന്നു നോക്കൂ


ഇഞ്ചി
ഇഞ്ചിയില്‍ അല്‍പം പാല്‍ ചേര്‍ത്ത് പേസ്റ്റാക്കുക. ഇത് തലയില്‍ തേച്ചു പിടിപ്പിയ്ക്കാം. 10 മിനിറ്റു കഴിഞ്ഞ് കഴുകിക്കളയാം. ആഴ്ചയില്‍ ഒരിക്കല്‍ ഇതു ചെയ്താല്‍ ഗുണം ലഭിയ്ക്കും

തേന്‍
കുളിയ്ക്കുന്നതിനു മുന്‍പ് അല്‍പം തേന്‍ മുടിയില്‍ പുരട്ടുക. 15 മിനിറ്റു കഴിഞ്ഞ് കഴുകിക്കളയാം. മുടിയ്ക്ക് കറുപ്പു നിറം തിരികെ ലഭിയ്ക്കും

ചെറുനാരങ്ങാനീരും വെളിച്ചെണ്ണയും

അല്‍പം ചെറുനാരങ്ങാനീരും വെളിച്ചെണ്ണയും ചേര്‍ത്ത് മുടിയില്‍ തേച്ചു പിടിപ്പിയ്ക്കുക. ഇത് അല്‍പം കഴിഞ്ഞ് തണുത്ത വെള്ളത്തില്‍ കഴുകിക്കളയാം. മുടിയ്ക്ക് കറുപ്പു നിറം സ്വാഭാവികമായി ലഭിയ്ക്കും

പാല്‍

തിളപ്പിയ്ക്കാത്ത പാല്‍ മുടിയില്‍ തേച്ചു പിടിപ്പിയ്ക്കുക. അല്‍പം കഴിഞ്ഞ് കഴുകിക്കളയാം. ഇത് ആഴ്ചയില്‍ ഒരിക്കല്‍ ചെയ്യുന്നത് ഗുണം ചെയ്യും. ( മില്‍മ ,പാക്കെറ്റ് പാല്‍ അല്ല )


സവാള
സവാള അരച്ചതും സവാളയുടെ നീരുമെല്ലാം മുടിയില്‍ തേച്ചു പിടിപ്പിയ്ക്കുന്നത് ഗുണം നല്‍കും.

കറിവേപ്പില
കറിവേപ്പില അരച്ചു തലയില്‍ പുരട്ടുന്നതും ഇതിട്ട വെള്ളം കൊണ്ട് തല കഴുകുന്നതുമെല്ലാം മുടിയ്ക്ക് കറുപ്പു നിറം ലഭിയ്ക്കാന്‍ സഹായിക്കും.


തൈരും

മയിലാഞ്ചിപ്പൊടിയും തൈരും മയിലാഞ്ചിപ്പൊടിയും സമാസമം എടുത്ത് തലയില്‍ തേയ്ക്കുക. ഇത് ആഴ്ചയില്‍ ഒരിക്കല്‍ ചെയ്യുന്നത് ഗുണം നല്‍കും.

നെല്ലിക്ക
നെല്ലിക്ക അരച്ചതോ നെല്ലിയ്ക്കാപ്പൊടിയോ തലയില്‍ തേയ്ക്കുന്നത് മുടിയ്ക്ക കറുപ്പു നിറം നല്‍കും. നെല്ലിക്ക കഴിയ്ക്കുന്നതും നെല്ലിക്കാ ജ്യൂസ് കുടിയ്ക്കുന്നതുമെല്ലാം നല്ലതാണ്.

തേയിലവെള്ളം
തേയിലവെള്ളം തലയില്‍ തേച്ചു പിടിപ്പിയ്ക്കുക. അല്‍പം കഴിഞ്ഞ് കഴുകിക്കളയാം. ഇതും മുടിയ്ക്കു കറുപ്പുനിറം നല്‍കും.



നല്ല മുടിയ്ക്കു സഹായിക്കും വീട്ടുവിദ്യകള്‍

ഭംഗിയുള്ള, ഇട തൂര്‍ന്ന മുടി മിക്കവാറും പേരുടെ സ്വപ്‌നമാണെങ്കിലും ഈ ഭാഗ്യം ലഭിയ്ക്കുന്നവര്‍ വളരെ ചുരുക്കമായിരിക്കും. ഷാംപൂവും കണ്ടീഷണറും ബ്യൂട്ടി പാര്‍ലറിലെ ഹെയര്‍ സ്പായും പായ്ക്കുകളുമെല്ലാം നല്ല മുടിയ്ക്കു വേണ്ടി പരീക്ഷിയ്ക്കുന്നവരുണ്ട്. എന്നാല്‍ നല്ല ഭംഗിയുള്ള മുടിയ്ക്കായി വീട്ടില്‍ തന്നെ ചെയ്യാവുന്ന ചില വിദ്യകളുണ്ട്. വീട്ടില്‍ തന്നെ ഭക്ഷണമായും ചര്‍മസൗന്ദര്യത്തിനായും ഉപയോഗിയ്ക്കുന്ന പലതും മുടിയ്ക്കു വേണ്ടിയും ഉപയോഗിക്കാം. ഇവയല്ലാത്തവയും നമുക്കു വാങ്ങി വീട്ടില്‍ തന്നെ ഉപയോഗിക്കാവുന്നതേയുള്ളൂ. ഇത്തരം ചില സാധനങ്ങളെക്കുറിച്ചറിയൂ, നല്ല മുടിയ്ക്കു സഹായിക്കും വീട്ടുവിദ്യകള്‍




നെല്ലിക്ക

നെല്ലിക്ക ഭക്ഷണമാണെങ്കിലും ഇത് മുടി സംരക്ഷണത്തിനും ഉപയോഗിക്കാം. നെല്ലിക്ക ഉണക്കിപ്പൊടിച്ചു തേയ്ക്കുന്നതു ഗുണം ചെയ്യും.

തൈര്
തൈര് മുടിയ്ക്കു ചേരുന്ന നല്ലൊന്നാന്തരം കണ്ടീഷണറാണ്. ഇത് നേരിട്ടോ തേന്‍, ചെറുനാരങ്ങാനീര് എ്ന്നിവ ചേര്‍ത്തോ മുടിയില്‍ തേയ്ക്കാം.  

ചെറുനാരങ്ങാനീര് മുടി കൊഴിച്ചിലും താരനും തടയാന്‍ ചെറുനാരങ്ങാനീര് നല്ലതാണ്

വെളിച്ചെണ്ണ വെളിച്ചെണ്ണ മുടി വളര്‍ച്ചയ്ക്കു പറ്റി നല്ലൊരു വസ്തുവാണ്. ഇത് മുടിയില്‍ പുരട്ടി മസാജ് ചെയ്യുന്നതു ഗുണം ചെയ്യും.  


മയിലാഞ്ചി മയിലാഞ്ചി മുടി വളര്‍ച്ചയ്ക്കും മുടി നരയ്ക്കാതിരക്കാനും സഹായിക്കും.  

വിനെഗര്‍ മുടിയ്ക്ക് മൃദുത്വവും തിളക്കവും ലഭിയ്ക്കുവാന്‍ വിനെഗര്‍ നല്ലതാണ്. മുടി അല്‍പം വിനെഗര്‍ ചേര്‍ത്ത വെള്ളത്തില്‍ കഴുകിയാല്‍ മതിയാകും.  

ആര്യവേപ്പില പേന്‍ ശല്യമൊഴിവാക്കാനും ശിരോചര്‍മത്തിനുണ്ടാകുന്ന അണുബാധ തടയാനും ആര്യവേപ്പില അരച്ചു തേയ്ക്കുന്നതു ഗുണം ചെയ്യും.  


ഉലുവ മുടികൊഴിച്ചില്‍, താരന്‍, വരണ്ട ശിരോചര്‍മം തുടങ്ങിയ പ്രശ്‌നങ്ങള്‍ക്കുള്ള പരിഹാരമാണ് ഉലുവ.

മുട്ട
നല്ലൊന്നാന്തരം കണ്ടീഷണറാണ് മുട്ട. ഇത് മുടിയില്‍ തേച്ചു പിടിപ്പിച്ചു കഴുകിക്കളയാം. അല്ലെങ്കില്‍ മറ്റു ഹെയര്‍ പായ്ക്കുകള്‍ക്കൊപ്പം ഉപയോഗിക്കാം.  

ആവണക്കെണ്ണ
മുടി വളര്‍ച്ചയ്ക്കു സഹായിക്കുന്ന മറ്റൊരു എണ്ണയാണ് ആവണക്കെണ്ണ. ഇത് മുടികൊഴിച്ചില്‍ കുറയാനും സഹായിക്കും.  


കറ്റാര്‍ വാഴ
കറ്റാര്‍ വാഴയിലെ വൈറ്റമിന്‍ ബി മുടിവളര്‍ച്ചയ്ക്കും മുടിയുടെ തിളക്കത്തിനും സഹായിക്കുന്ന ഒന്നാണ്.  


മല്ലിയില
മല്ലിയില അരച്ച് തൈരുമായി ചേര്‍ത്ത് മുടിയില്‍ തേയ്ക്കുന്നതു ഗുണം ചെയ്യും.


ലാവെന്‍ഡര്‍ ഓയില്‍

ലാവെന്‍ഡര്‍ ഓയില്‍ മുടിവളര്‍ച്ചയ്ക്കു സഹായിക്കുന്ന മറ്റൊന്നാണ്. ഇത് മുടിയുടെ അടിവേരുകള്‍ക്ക് ബലം നല്‍കും.

തേന്‍
തേന്‍ മുട്ടവെള്ള, തൈര് എന്നിവയില്‍ കലര്‍ത്തി മുടിയില്‍ തേയ്ക്കാം.ഇത് മുടി വളര്‍ച്ചയ്ക്കു സഹായിക്കും. മുടിയ്ക്ക് തിളക്കവും മൃദുത്വവും നല്‍കുകയും ചെയ്യും.

ഷിയ ബട്ടര്‍
ഷിയ ബട്ടര്‍ തലയില്‍ പുരട്ടി മസാജ് ചെയ്യുന്നത് മുടി വളര്‍ച്ചയ്ക്കു സഹായിക്കുന്ന ഒന്നാണ്

ചെമ്പരത്തി
ചെമ്പരത്തിയുടെ പൂവും ഇലയുമെല്ലാം അരച്ചു തലയില്‍ തേയ്ക്കുന്നത് ഷാംപൂവിന പകരം വയ്ക്കാവുന്ന ഒന്നാണ്. ചെമ്പരത്തിപ്പൂവിട്ട് വെളിച്ചെണ്ണ കാച്ചി തേയ്ക്കുന്നതും ഗുണം ചെയ്യും.  

ജൊജോബ ഓയില്‍

ജൊജോബ ഓയില്‍ മുടിവളര്‍ച്ചയ്ക്കു സഹായിക്കും. ഇതും വീട്ടില്‍ തന്നെ ചെയ്യാവുന്ന ഒന്നു തന്നെ


നാളികേരപ്പാല്‍
നാളികേരപ്പാല്‍ മുടിവളര്‍ച്ചയ്ക്കു സഹായിക്കുന്ന ഒന്നാണ്. മുടിയ്ക്കു തിളക്കവും മൃദുത്വവും നല്‍കാന്‍ ഇതു സഹായിക്കും.


ഷിക്കാക്കായ്

ഷിക്കാക്കായ് പൊടിച്ചു തലയില്‍ തേയ്ക്കുന്നത് ഷാംപൂവിനു പകരം ഉപയോഗിക്കാവുന്ന ഒന്നാണ്.