മൂത്രാശയം, ഹൃദയം, ശിരസ്സ് എന്നിവയാണ് മനുഷ്യശരീരത്തിലെ പ്രധാന മര്‍മ്മങ്ങള്‍. ഇവ മൂന്നിനെയും കൂടി മഹാമര്‍മ്മങ്ങള്‍ എന്ന് പറയുന്നു. ഇവയെ ബാധിക്കുന്ന രോഗങ്ങള്‍ പൊതുവെ കഷ്ടസാധ്യങ്ങളെന്നു പറയാം.ആധുനിക കാലഘട്ടത്തിന്റെ രോഗങ്ങളായി മാറിയ പ്രമേഹം, മൂത്രാഘാതം മുതലായ രോഗങ്ങള്‍ ഇതിന് ഉത്തമ ദൃഷ്ടാന്തങ്ങളാണ്. ഈ പറഞ്ഞ കാര്യങ്ങള്‍ക്ക് മുഖ്യമായ അടിസ്ഥാനം മൂത്രാശയം ആണ്. 'സര്‍വ്വേഷാം പുനഃ മൂത്രാരോഗാണാം അധിഷ്ഠാനം വസ്തിഃ' എന്നാണ് ആചാര്യമതം.കുപിതങ്ങളായ ദോഷങ്ങള്‍ മൂത്രത്തോട് ചേര്‍ന്ന് മൂത്രാശയത്തിലെത്തി അവിടെ വിവിധ തരത്തിലുള്ള പ്രക്രിയകളിലൂടെ മൂത്രാശയരോഗങ്ങള്‍ക്ക് ഇടയാക്കുന്നു.ആയുര്‍വേദത്തില്‍ മൂത്രാശയരോഗങ്ങളെ പ്രധാനമായും കാരണഭേദേന മൂന്നായി തരംതിരിച്ചിരിക്കുന്നു. 1. മൂത്രകൃച്ഛ്‌റം (മൂത്രാല്പത), 2. മൂത്രാഘാതം (മൂത്രതടസ്സം) 3. മൂത്രാശ്മരി ( മൂത്രാശയകല്ല്) എന്നിവയാണ്.
1. മൂത്രകൃച്ഛ്‌റം (മൂത്രാല്പത)വളരെ ബുദ്ധിമുട്ടോടുകൂടിയോ അതിവേദനയോടുകൂടിയോ കുറഞ്ഞ മാത്രയില്‍ മൂത്രം പോകുന്ന അവസ്ഥയാണ് മൂത്രകൃച്ഛ്‌റം.
കാരണം തെറ്റായ ആഹാര വിഹാരാദികളാല്‍ വാതാദിദോഷങ്ങള്‍ അസന്തുലിതാവസ്ഥ പ്രാപിച്ച് മൂത്രത്തോടു കൂടിച്ചേര്‍ന്ന്് മൂത്രാശയത്തില്‍ എത്തി മൂത്രനാളികളെ സങ്കോചിപ്പിച്ച് അല്പമൂത്രതയ്ക്ക് കാരണമാകുന്നു.
സാമാന്യചികിത്സാതത്വംമൂത്ര കൃച്ഛ്‌റത്തിനും വാത കഫങ്ങള്‍ക്കുമാണ് പ്രധാനമായും ദുഷ്ടി സംഭവിക്കുന്നത്. ഇതിന് സ്‌നേഹനം, സ്വേദനം, വിരേചനം എന്നിവയാണ് പ്രധാനമായും ശാസ്ത്രം അനുശാസിക്കുന്ന കര്‍മ്മങ്ങള്‍. രോഗബലവും രോഗിബലവും മനസ്സിലാക്കി വസ്തികര്‍മ്മങ്ങളും വിശിഷ്യ ഉത്തരവസ്തിയും ഫലപ്രദമാണ്.
2. മൂത്രാഘാതം (മൂത്രതടസ്സം)
അല്പമാത്രയില്‍ മൂത്രം പോകുന്ന അവസ്ഥയാണ് മൂത്രകൃച്ഛ്‌റമെങ്കില്‍ അപാന വായുവിന് ദുഷ്ടി സംഭവിച്ച് മൂത്രത്തെ പൂര്‍ണ്ണമായും തടസ്സപ്പെടുത്തുന്ന അവസ്ഥയാണ് മൂത്രാഘാതം.'മൂത്രാഘാതോ മൂത്രാവരോധഃ' എന്ന ആചാര്യവചനം ഇത് കൂടുതല്‍ സ്പഷ്ടമാക്കുന്നു. മൂത്രവേഗം നടക്കുന്നതിനാലും മൂത്രാശയത്തില്‍ തങ്ങിനില്‍ക്കുന്ന മൂത്രത്തിനാലുമാണ് അപാനവായുവിന് വൈഗുണ്യം സംഭവിക്കുന്നത്.
ചികിത്സാ തത്വംഈ അവസ്ഥയില്‍ മൂത്ര പ്രവൃത്തിയെ സുഗമമാക്കുവാനായി മൂത്ര വൈരേചനീയ ഔഷധങ്ങളും മൂമ്പു പ്രതിപാദിച്ച ക്രിയാവിധികളും സമന്വയിപ്പിച്ചുള്ള ചികിത്സാരീതിയാണ് ഉത്തമം.
3. മൂത്രാശ്മരി (മൂത്രാശയക്കല്ല്)
മേല്‍പറഞ്ഞ രോഗങ്ങള്‍ യഥാവിധി ചികിത്സിക്കാത്തതുകൊണ്ടും മിസ്യാഹാര വിഹാരങ്ങള്‍ കൊണ്ടും കഫപ്രധാനമായ ത്രിദോഷങ്ങള്‍ കോപിച്ച് മൂത്രത്തോട് ചേര്‍ന്ന് മൂത്രാശയത്തില്‍ എത്തിച്ചേരുന്നു. മൂത്രാശയത്തിലെ അപാനമായു വൈഗുണ്യം മൂത്രത്തെ തനിച്ചോ പിത്തം, കഫം, ശുക്ലം എന്നിവയോടുകൂടിയോ ശോഷിപ്പിക്കുന്നു. അങ്ങനെ ജലത്തില്‍ ചെളി അടിയുന്നതുപോലെ മൂത്രാശയകല്ലുകള്‍ ഉണ്ടാകുന്നു. ഈ കല്ലുകള്‍ മൂത്രാശയത്തിലോ വൃക്കകളിലോ മൂത്രനാളികളിലോ ഉണ്ടാകും.
ചികിത്സഈ രോഗം പ്രായേണ കഷ്ടസാധ്യമാണ്. ആരംഭാവസ്ഥയില്‍ ഇത് ഔഷധസാധ്യവും ക്രമേണ ശാസ്ത്രസാധ്യവും ആകുന്നു. ജ്വരം, നാഭിപ്രദേശത്തും പാര്‍ശ്വഭാഗങ്ങളിലും വേദന, മൂത്രാശയത്തിന്റെ വീര്‍പ്പ്, മൂത്രമൊഴിക്കുമ്പോള്‍ വേദനയും തടസ്സവും അനുഭവപ്പെടുക എന്നിവ പ്രാരംഭാവസ്ഥയുടെ സൂചനകളാണ്. ഈ അവസ്ഥയില്‍ തന്നെ സ്‌നേഹനം, സ്വേദനം, വിരേചനം, വസ്തി, ഉത്തരവസ്തി ഇത്യാദി ക്രിയകള്‍ യഥാവിധി ചെയ്താല്‍ ഈ രോഗം പരിപൂര്‍ണ്ണമായും സുഖപ്പെടുത്താവുന്നതാണ്.
മൂത്രാശയ രോഗങ്ങളില്‍ സാമാന്യമായി ഉപയോഗിക്കാവുന്ന ഔഷധങ്ങള്‍
* പുനര്‍ണവാദി കഷായം, അര്‍ദ്ധവില്വം, ബൃഹത്യാദി കഷായം, സുകുമാരം കഷായം, ത്രായന്ത്യാദി കഷായം, വീരതരാദി കഷായം
* ചന്ദ്രപ്രഭ, ഗോക്ഷുരാദി ഗുളിക* ചന്ദനാസവം, പൂതികരഞ്ജാസവം, പുനര്‍ണവാസവം, കുമാര്യാസവം
* ബൃഹത്യാദിഘൃതം, വസ്ത്യാമയാന്തക ഘൃതം
* ധാത്രി ലോഹം
ഒറ്റമൂലികള്‍* ഞെരിഞ്ഞില്‍ പിടി ചതച്ച് കരിക്കില്‍ ഒരു രാത്രി ഇട്ടുവെച്ച് രാവിലെ പിഴിഞ്ഞ് അരിച്ച് കുടിക്കുക.* പച്ച കൊത്തമല്ലി ഒരു ടേബിള്‍സ്പൂണ്‍ വെട്ടിത്തിളയ്ക്കുന്ന ഒരു ലിറ്റര്‍ വെള്ളത്തിലിട്ട് 10 മിനിറ്റ് അടച്ചുവയ്ക്കുക. ഒരു ഗ്ലാസ് വെള്ളത്തില്‍ രണ്ട് ധന്വന്തരം ഗുളിക ചേര്‍ത്ത് കഴിക്കുക.*തഴുതാമ കഴുകി വൃത്തിയാക്കി അരച്ച് നെല്ലിക്കാ വലുപ്പത്തിലാക്കി കഴിയ്ക്കുന്നത് വളരെ ഉത്തമമാണ്.
ഡോ. കെ.പി. നമ്പൂതിരി-
1. സ്ഖലനത്തിന് മുമ്പ് സംയോഗത്തില്‍ നിന്ന് വിരമിക്കുക.2. സ്ഖലനത്തിന് ശേഷം കഴുകാതിരിക്കുക.3. കാഷ്ടിക്കാനും മൂത്രിക്കാനും മുട്ടിയിട്ട് അത് പിടിച്ച് നിര്‍ത്തുക.
No comments:
Post a Comment