ടോൺസിലൈറ്റിസ് ......

ടോൺസിലൈറ്റിസ് ......
സ്‌ട്രെപ്‌ടോകോക്കസ് എന്ന അണുബാധയാണ് ടോൺസിലൈറ്റിസിന് പ്രധാന കാരണം. അപകടകാരികളായ രോഗാണുക്കൾ ഉള്ളിൽ പ്രവേശിച്ചാൽ അന്നനാളം, ശ്വാസകോശം എന്നിവയെ ആശ്രയിച്ച് പല മാരകരോഗങ്ങളുമുണ്ടാകും. ആസ്ത്മ, ന്യൂമോണിയ പോലുള്ള രോഗങ്ങൾ അവയിൽ ചിലതാണ്. സ്ഥിരമായി തണുത്തവെള്ളത്തിലുള്ള കുളി, മഞ്ഞും വെയിലമേൽക്കുക, മത്സ്യം, പോത്തിറച്ചി, പന്നിയിറച്ചി, ഉഴുന്ന്, പാൽ, തൈര്, ശർക്കര എന്നിവയുടെ അമിതമായ ഉപയോഗം എന്നിവ താലുഗ്രന്ഥി വീക്കത്തിന് കാരണമാകും. ഫ്രിഡ്ജിൽ വച്ച് ശീതീകരിച്ച ഭക്ഷണ പാനീയങ്ങൾ പതിവായി കഴിക്കുന്നവരിൽ ഈ രോഗം വിട്ടുമാറില്ല. തൊണ്ടവേദന, കടുത്ത പനി, തലവേദന, കഴുത്ത് അനക്കാൻ പ്രയാസം, കഴുത്തിലെ കുഴലുകൾക്ക് വീക്കം, ആഹാരവും വെള്ളവും കഴിക്കാൻ വിഷമം എന്നിവ രോഗത്തോടൊപ്പമുണ്ടാകും.

തൊണ്ടവേദന

• ഗ്രാമ്പു, ഏലത്തരി എന്നിവയിലേതെങ്കിലും വായിലിട്ട്‌ ചതച്ച്‌ തുപ്പി കളയുക.
• കല്‍ക്കണ്ടവും ചുക്കും ജീരകവും ഒന്നിച്ച്‌ പൊടിച്ച്‌ ഇടവിട്ട്‌കഴിക്കുക. തൊണ്ടവേദനയും ചുമയും മാറും.
• പനങ്കല്‍കണ്ടത്തില്‍ ചുവന്നുള്ളി അരിഞ്ഞ്‌ ചേര്‍ത്ത്‌ ഇളക്കുക. ഇതില്‍ നിന്നും ഊറി വരുന്ന നീര്‌ രണ്ട്‌ സ്പൂണ്‍ വീതം കുടിച്ചാല്‍ തൊണ്ട വേദന ചുമ എന്നിവ ശമിക്കും.
• പപ്പായയുടെ കറ തൊണ്ടയില്‍ പുരട്ടുക.
• ചെറുചൂടുവെള്ളത്തില്‍ ഉപ്പുകലര്‍ത്തി കവിള്‍കൊള്ളുക