റൈഹാൻ (തുളസി )-* പ്രവാചകവൈദ്യം *

മിത്രങ്ങളെ നന്മ.
പ്രവാച വൈദ്യം എന്ന ഈ മഹത്തായ പരിപാടിയിൽ ആദ്യമായി അവതരിപ്പിക്കുന്നത് പരിശുദ്ധ ഖുർആനിൽ പറയുന്ന സസ്യങ്ങളെ കുറിച്ചും അവയുടെ ഉപയോഗങ്ങളെ കുറിച്ചുമാണ്. ഒരു പാട് സസ്യങ്ങളെ കുറിച്ച് ഖുർആനിൽ പറയുന്നുണ്ട് ഖുർആൻപോലുള്ള പരിശുദ്ധ ഗ്രന്ഥങ്ങളിൽ ഒരു സസ്യത്തെ കുറിച്ച് വിവരിച്ചിട്ടുണ്ടെങ്കിൽ ആ സസ്യത്തിന്ന് സവിശേഷമായ കഴിവും മൂല്യവും ഉണ്ടായിരിക്കുമെന്ന് ഉറപ്പാണ് , മാത്രമല്ല ആ സസ്യങ്ങളെല്ലാം എന്നെന്നും നിലനിൽക്കുകയും പരിപാവനമായി കരുതപ്പെടുകയും ചെയ്യും. ഭൂമിയിൽ വളരുന്ന എല്ലാ സസ്യങ്ങൾക്കും പ്രാധാന്യമുണ്ട്. ഔഷധ സസ്യങ്ങളിലെ അത്ഭുതങ്ങളിൽ പലതും ഞാൻ അനുഭവച്ചറിയാൻ കാരണം എന്റെ മാതാപിതാക്കളും പരിശുദ്ധ ഖുർആനും ഭഗവത് ഗീതയും വേദങ്ങളും ഉപനിഷത്തുകളും ഭാരതീയ ശാസ്ത്ര സംഹിതകളും പാരമ്പര്യ നാട്ടുവൈദ്യവുമാണ്. "സൂക്ഷമത" പാലിക്കുക എന്ന ഖുർആൻ വാക്കിൽ നിന്നാണ്. ഞാൻ സസ്യങ്ങളെ സൂക്ഷമമായി നിരീക്ഷിക്കാൻ തുടങ്ങിയത് എനിക്ക് അത്ഭുതങ്ങൾ കാണാൻ കഴിഞ്ഞു. അത്തരം അനുഭവങ്ങളും അറിവുകളുമാണ് ലളിതമായ രീതിയിൽ ഇവിടെ അവതരിപ്പിക്കുന്നത്.

1, റൈഹാൻ (തുളസി )
* റൈഹാൻ സുഗന്ധമുള്ള സസ്യമാണ്. ഖുർആൻ പറയുന്നു - "വെക്കോലുള്ള ധാന്യവും സുഗന്ധ ചെടികളുമുണ്ട് " (അർറഹ് മാൻ സൂറത്ത് 12 ) .

* റൈഹാനെ (തളസി) ദൈവത്തിന്റെ സമ്മാനവും അനുഗ്രഹവുമായാണ് വിശേഷിപ്പിച്ചിരിക്കുന്നത്. (സൂറത്തുൽ വാഖിഅ 89 ) . "ഫ്ളോറ അറബിക"യിൽ റൈഹാൻ - ഓസിമം ബാസിലികം (തുളസി ) യാണെന്ന് നിജപ്പെടുത്തിയിട്ടുണ്ട്.
പരിശുദ്ധ ഖുർആൻ നമുക്ക് പരിചയപ്പെടുത്തിയ തുളസിയെ നാം പലതും പറഞ്ഞ് മാറ്റി നിർത്തിയിട്ടുണ്ട്. എന്നാൽ തുളസിയുടെ മഹത്വം മനസ്സിലായാൽ വീട്ടിൽ നട്ടുവളർത്തി പരിപാലിക്കാൻ നാം തയ്യാറാവും. സസ്യങ്ങളുടെ രാജാവായാണ് പേർഷ്യക്കാർ തുളസിയെ വിശേഷിപ്പിച്ചിരിക്കുന്നത് ( ശാഹ് സ്പരം ) , ഹൃദ്യഗന്ധമാണ് തുളസിക്കുള്ളത് അതിനാൽ *നസ്ബു* എന്നും - ഇറാനിൽ കിർമാൻ എന്ന പ്രദേശത്താണ് തുളസി ഏറ്റവും കൂടുതൽ ഉള്ളത്കൊണ്ട് * ഹബ് സ് കിർമാൻ * എന്നും പേരുണ്ട്. പവിത്രമായ ഒരു സസ്യത്തെ നാം അമൂല്യമായി കാണണം.

റൈഹാന്റെ ഉപയോഗങ്ങൾ.
1, അപസ്മാരം പൂർണ്ണമായും സുഖപ്പെടുത്താൻ തുളസിയുടെ ഉപയോഗം മൂലം സാധിക്കും. തുളസിയുടെ ഇല നീര് നാല് തുള്ളി വീതം രാവിലെ സൂര്യനുദിക്കും മുമ്പ് രണ്ട് മൂക്കി നകത്തും ഇറ്റിക്കുക - തുടർച്ചയായി 21 ദിവസം. കൂടാതെ ഇലയും പൂവും ഇടയ്ക്കിടെ മണക്കുകയും , ഒരു പിടി തുളസിയില 200 മില്ലി വെളിച്ചെണ്ണയിലിട്ട് തിളപ്പിച്ച് ജലാംശം മുഴുവനും വറ്റിച്ച് അരിച്ചെടുത്ത് രണ്ട് ദിവസത്തിന്ന് ശേഷം തലയിൽ തേച്ച് കുളിക്കുകയും ചെയ്താൽ അപസ്മാര രോഗം മാറും. പഴക്കമുണ്ടെങ്കിലും പഥ്യത്തോടു കൂടി ചെയ്താൽ ഫലം ഉറപ്പാണ്.

2 , ത്വക് രോഗങ്ങൾ മാറാൻ.
തുളസിയുടെ ഇല അഞ്ചെണ്ണം വീതം രാവിലെ വെറും വയറ്റിൽ കഴിക്കുകയും _ ഒരു പിടി തുളസിയിലയും ഒരു കഷണം പച്ചമഞ്ഞളും കൂടി വെള്ളം ചേർക്കാതെ അരച്ചിടുകയും ചെയ്താൽ സോറിയാസിസ് ഒഴികെ മറ്റ് ത്വക് രോഗങ്ങൾ മാറും.

3 , തിമിരം മാറാൻ .
തിമിരം തുടക്കത്തിലെ മാറാൻ ഏറ്റവും നല്ല ഒരു പ്രയോഗം - തുളസിയുടെ ഉണങ്ങിയ വിത്ത് പത്തെണ്ണം രോഗമുള്ള കണ്ണിനകത്ത് ഇടുക ശേഷം കണ്ണ് അടയ്ക്കുകയും തുറക്കുകയും ചെയ്യുക - ഇങ്ങനെ കുറച്ച് ദിവസം ചെയ്യുകയാണെങ്കിൽ തിമിരം തുടക്കത്തിലാണെങ്കിൽ പൂർണ്ണമായും സഖപ്പെടുത്താൻ കഴിയും.

4 , ലൈംഗീക ഉത്തേജനത്തിന്ന് തുളസിനീര് രണ്ട് തുള്ളി വീതം സ്ഥിരമായി രാത്രി കിടക്കാൻ നേരം കഴിക്കുക. അറബികൾ സുലൈമാനിയിൽ ( കട്ടൻചായ) തുളസിയിലയിട്ട് കഴിക്കാറുണ്ട്. നമ്മുടെ നാട്ടിലെ രാമ തുളസിയാണ് ഇങ്ങനെ ഉപയോഗിക്കേണ്ടത്.

5 , മുഖക്കുരു മാറാൻ തുളസിയോളം അനുയോജ്യമായ ഔഷധ സസ്യ മില്ലെന്നാണ് എന്റെ അനുഭവം. എത്ര പഴകിയ മുഖ കുരുവും തുളസി നീര് മുഖത്ത് സ്ഥിരമായി പുരട്ടിയാൽ മാറും.

6 , ചെറിയ കുട്ടികൾക്കുണ്ടാവുന്ന കഫകെട്ട് മാറാൻ - അര ടീസ്പൂൺ തുളസിനീരും ഒരു ടീസ്പൂൺ ചെറുതേനും യോജിപ്പിച്ച് ഓരോ തുള്ളി വീതം ഇടയ്ക്കിടെ കൊടുക്കുക - കഫകെട്ട് മാറുകയും കുട്ടികൾക്ക് നല്ല ശോധനയുണ്ടാവുകയും ചെയ്യും.

7 , അന്തരീക്ഷ മലിനീകരണം തടയാൻ കഴിവുള്ള അത്ഭ്യത ഔഷധസസ്യം കൂടിയാണ് റൈഹാൻ.നമ്മുടെ പരിസരങ്ങളിൽ തുളസി നട്ടുപിടിപ്പിക്കുന്നത് നമുക്കും ഭാവിതലമുറകൾക്കും ഗുണം ചെയ്യും. ശ്വാസം മുട്ടുള്ളവർ തുളസിയുടെ മണമേൽക്കുന്നത് രോഗം ശമിക്കാൻ കാരണമാകും.

8 , ഭക്ഷണത്തോടൊപ്പം - സലാഡായും തുളസിയില ഉപയോഗിക്കാം , ദഹനം ശെരിയായി നടക്കും.

തുളസി, കൃഷ്ണ തുളസി, നെയ് തുളസി, രാമ തുളസി, അഗസ്ത്യ തുളസി, കർപൂര തുളസി, ശീത തുളസി, മധുര തുളസി, ചന്ദന തുളസി, വർണ്ണ തുളസി, വള്ളി തുളസി, കരിന്തുളസി - നാല് പതിലധികം തുളസികളെ എനിക്ക് അറിയാം .
എത്രയോ ഔഷധ പ്രയോങ്ങൾ തുളസി ഉപയോഗിച്ച് ചെയ്യാൻ കഴിയും. മിത്രങ്ങളെ റൈഹാൻ (തുളസി ) ദൈവത്തിന്റെ സമ്മാനവും അനുഗ്രഹവുമാണ് അത് നഷ്ടപ്പെടാതെ സൂക്ഷിക്കുക നാം.

മരുന്ന് പ്രയോഗിക്കും മുമ്പ് - വയറിളക്കുക, സസ്യാ ആഹാരം മാത്രം കഴിക്കുക , നാടൻ സാധനങ്ങൾ മാത്രം ഉപയോഗിച്ച് പല്ല് തേയ്കുക.