വാജീകരണം | ശുക്ലക്ഷയം | ബലക്കുറവ്

പാല്‍മുതുക്കിന്‍റെ നീരിലോ ശതാവരിക്കിഴങ്ങിന്റെ നീരിലോ ഒരു ഗ്രാം മുളങ്കര്‍പ്പൂരം കഴിക്കുന്നത് ഉത്തമ വാജീകരണ ഔഷധമാണ്; ബലക്കുറവ്, ശുക്ലക്ഷയം എന്നിവയ്ക്ക് ഉത്തമമാണ്. (ചില മുളകളുടെ ഉള്ളില്‍ ദ്രവരൂപത്തില്‍ നിറഞ്ഞ്, ക്രമേണ ഖരരൂപത്തിലാകുന്ന ദ്രവ്യമാണ്‌ മുളങ്കര്‍പ്പൂരം. വംശരോചനം, മുളവെണ്ണ, മുളനൂറ് ഇങ്ങനെ പല പേരുകളില്‍ അറിയപ്പെടുന്ന ഈ ദ്രവ്യം അനേകം രോഗങ്ങള്‍ക്ക് ഔഷധമാണ്) അരയാലിന്‍റെ കായ കഷായം വെച്ചു കഴിച്ചാല്‍ ശുക്ലം വര്‍ദ്ധിക്കും. ശതാവരിക്കിഴങ്ങോ നിലപ്പനക്കിഴങ്ങോ, പാല്‍മുതുക്കിന്‍ കിഴങ്ങോ അരച്ചത് നെല്ലിക്കാവലുപ്പം നാടന്‍ പശുവിന്‍റെ പാലില്‍ ചേര്‍ത്തു കഴിച്ചാല്‍ പുരുഷന്മാരിലെ ഓജസ്സു കൂടുകയും, പുരുഷബീജാണുക്കളുടെ എണ്ണം വര്‍ദ്ധിക്കുകയും, ചലനശേഷി കൂടുകയും ചെയ്യും. പുരുഷന് ബീജം വരാതിരിക്കുന്ന അവസ്ഥ ആണ് ശുക്ലദുര്‍ഭിക്ഷത. കൂവളത്തിന്‍റെ തൊലി ഇടിച്ചുപിഴിഞ്ഞ നീരില്‍ ജീരകം പൊടിച്ചിട്ട് പാലില്‍ ചേര്‍ത്ത് കഴിച്ചാല്‍ ശുക്ലദുര്‍ഭിക്ഷതയയ്ക്കു ശമനമുണ്ടാകും.