സോറിയാസിസ്

സോറിയാസിസ്കണ്ടാല്‍ അറപ്പുണ്ടാക്കുന്ന രോഗം. ശരീരത്തിലെ തൊലി മീനിന്‍െറ ചെതുമ്പലുകള്‍ പൊളിയുന്നതുപോലെ വെളുപ്പ്കലര്‍ന്ന നിറത്തില്‍ അടര്‍ന്നു പോകുന്ന അവസ്ഥ. ചുവപ്പും കറുപ്പും കലര്‍ന്ന വെളുത്ത ശകലങ്ങളും ചൊറിച്ചിലും ചുട്ടുനീറ്റലും. കാല്‍മുട്ടിലോ കൈമുട്ടിലോ തലയിലോ ആണ് ആദ്യം ഇത് പ്രത്യക്ഷപ്പെടാറുള്ളത്. പിന്നീട് പടര്‍ന്ന് ശരീരമാസകലമാകാം. പകരുകയില്ലെങ്കിലും മറ്റുള്ളവര്‍ക്ക് അടുത്തിടപഴകാന്‍ വൈഷമ്യം ഉണ്ടാകും.ആയുര്‍വേദത്തില്‍ ‘സിദ്ധ്മം’ എന്നറിയപ്പെടുന്ന ഈ രോഗമാണ് ‘സോറിയാസിസ്’. രോഗം വര്‍ധിച്ച് മൂര്‍ധന്യതയിലെത്തിയാല്‍ ഇത് സോറിയാറ്റിക് ആര്‍ത്രൈറ്റിക്സ് ആയി മാറാം. അങ്ങനെ സന്ധികള്‍ക്ക് വീക്കവും അതിവേദനയും വന്ന് രോഗിയെ വളരെ കഷ്ടപ്പെടുത്തുന്ന അവസ്ഥയിലുമെത്താറുണ്ട് സോറിയാസിസ്.കാരണംസോറിയാസിസിന്‍െറ പ്രധാനകാരണം മാനസിക വൈഷമ്യം തന്നെയാണെന്നാണ് ഇന്ന് ശാസ്ത്രം നിഗമനത്തിലെത്തിയിട്ടുള്ളത്. മനോവൈഷമ്യം മൂലം സെറിബല്ലത്തിനും ഹൈപ്പോതലാമസിനും പോണ്‍ഡ്സിനും ഉണ്ടാകുന്ന കര്‍മപരമായ തകരാറുകള്‍ മൂലം ദഹനേന്ദ്രിയ വ്യവസ്ഥകള്‍ തകരാറിലാവുന്നു. ഇതോടൊപ്പം, അമിതാഹാരവും ശരീരത്തിന് പൊരുത്തപ്പെടാനാവാത്ത ഭക്ഷണ പാനീയങ്ങളും അവതന്നെ സമയംതെറ്റി കഴിക്കുകകൂടിയാവുമ്പോള്‍ ദഹനേന്ദ്രിയ വ്യവസ്ഥകള്‍ക്കൊപ്പം രക്ത ചംക്രമണ കര്‍മങ്ങളെയും തകരാറിലാക്കുന്നു. ഇതുമൂലം പുറത്തുകളയേണ്ട മാലിന്യങ്ങള്‍ യഥാവസരം പുറത്തുകളയാതെ ശരീരത്തില്‍ അടിഞ്ഞുകൂടി രോഗകാരണമാകുന്നു.ചികിത്സസ്റ്റീറോയിഡ് ഗുളികകള്‍ അകത്തേയും സ്റ്റീറോയിഡ് കലര്‍ന്ന ഓയിന്‍റ്മെന്‍റുകള്‍ പുറത്തുപുരട്ടാനും കൊടുക്കലാണ് അലോപ്പതി അവലംബിക്കുന്ന ചികിത്സാരീതി. താല്‍കാലിക രോഗശമനം കിട്ടിയാലും സ്റ്റീറോയിഡിന്‍െറ ശക്തി കുറയുമ്പോള്‍ രോഗം പൂര്‍വാധികം ശക്തിയായി തിരിച്ചെത്താനുള്ള സാധ്യത വളരെയേറെയാണ്. ഇതിനും പുറമെ സീസണബ്ളായി വീണ്ടും വരാനുള്ള സാധ്യത സോറിയാസിസിന്‍െറ പൊതുസ്വഭാവമാണുതാനും.ആയുര്‍വേദ ചികിത്സാ രീതിയനുസരിച്ച് ശരീരത്തില്‍ ദുഷിച്ചടിഞ്ഞ് കൂടിയിട്ടുള്ള മാലിന്യങ്ങളെ പുറത്തുകളയലാണ് ആദ്യമായി ചെയ്യുന്ന ചികിത്സ. ഇങ്ങനെ ശോധനചികിത്സ ചെയ്തതിനു ശേഷമേ അകത്തെയും പുറത്തെയും രോഗശമനത്തിനുള്ള ചികിത്സ ചെയ്യുകയുള്ളൂ.ഈ ചികിത്സകളൊക്കെ ആരംഭിക്കുന്നതിനു മുമ്പേ മാനസിക പിരിമുറുക്കം കുറയുന്നതിലേക്കായി യോഗ, ധ്യാനം, പ്രാര്‍ഥന എന്നിവ ശീലിക്കുന്നത് നല്ലതാണ്.ആദ്യം പുറത്തുകളയേണ്ടവയെ അയവുള്ളതാക്കുന്നതിനായി സ്നേഹപാനം (നെയ്യ് കുടിപ്പിക്കല്‍) നടത്തുന്നു. അങ്ങനെ ശരീരം സ്നിഗ്ധമാക്കിയശേഷം വമനം (ഛര്‍ദിപ്പിക്കല്‍) ചെയ്ത് മാലിന്യത്തെ ശരീരത്തില്‍നിന്ന് പുറത്തേക്കു കളയുന്നു.പ്രകൃതിയില്‍ ശക്തമായ കാറ്റുണ്ടാകുന്നതുപോലെ വമനം മൂലം ശരീരത്തിനുള്ളിലുണ്ടാകുന്ന മര്‍ദവ്യത്യാസം അനുസരിച്ച് ശരീരമാസകലം വ്യാപിച്ച് തൊലിയില്‍വരെ എത്തിനില്‍ക്കുന്ന ദുഷിച്ച ഘടകങ്ങളെ ആമാശയത്തിലേക്ക് വലിച്ചടുപ്പിച്ച് പുറത്തേക്കുകളയുകയാണിവിടെ ചെയ്യുന്നത്. അങ്ങനെ ശരീരത്തെ ശുദ്ധീകരിച്ച് പഴയ രീതിയിലാക്കി ശരീരയന്ത്രത്തെ നിയന്ത്രിക്കുന്ന നാഡീവ്യവസ്ഥകളെ സ്വസ്ഥവും ശാന്തവും പ്രവര്‍ത്തനരഹിതവുമാക്കുന്നു.മനോവൈഷമ്യം മൂലം തകരാറിലായ സെറിബല്ലം, ഹൈപ്പോതലാമസ്, പോണ്‍ഡ്സ് എന്നിവയെ ഒന്നുകൂടി പ്രവര്‍ത്തന നിരതമാക്കുന്നതിനായി ശിരസ്സില്‍ തക്രധാര (മോരു ധാര) കൂടി ഏഴുദിവസം ചെയ്യുന്നു.ഇതിനുശേഷമാണ് അകത്തേക്കും പുറത്തേക്കും സാധാരണഗതിയില്‍ ഈ രോഗത്തിന് മരുന്നുകൊടുക്കാറുള്ളത്. അങ്ങനെയായാല്‍ ഈ രോഗത്തിന്‍െറ റിക്കറിങ് സ്വഭാവരീതി (സീസണലായിവരുന്ന രീതി) നിയന്ത്രിച്ചുനിര്‍ത്താന്‍ കഴിയുമെന്നാണ് എന്‍െറ ചികിത്സാനുഭവം പറയുന്നത്.പുറത്തേക്കുള്ള മരുന്നില്‍ ഇന്ന് സാധാരണയായി ഉപയോഗിക്കുന്നത് ദന്തപാലതൈലമാണ്. ഇത് ഒട്ടൊക്കെ ഫലപ്രദമാണുതാനും.ചുട്ടുപുകച്ചിലും ചുവന്ന നിറവുമുള്ള സോറിയാസിസിന് ആനപ്പിണ്ഡം ചുട്ടുകരിച്ച ഭസ്മം ആനമൂത്രത്തില്‍ കലക്കി പുരട്ടാന്‍ കൊടുത്തത് വളരെ ഫലപ്രദമായിക്കണ്ടു.രോഗിയെയും രോഗാവസ്ഥയെയും നോക്കി ശക്തവും ഫലപ്രദവുമായ ചികിത്സ ആയുര്‍വേദത്തിലുണ്ട്.