അഴകിനും ആരോഗ്യത്തിനും പനിനീര്‍ ദളങ്ങള്‍.

പൂക്കളുടെ രാജ്ഞിയായി അറിയപ്പെടുന്ന പനിനീര്‍ പൂവിന് അഴകും മണവും മാത്രമല്ല ഉള്ളത് ഔഷധഗുണങ്ങളും ഏറെയുണ്ട്. 

ഉദ്യാനങ്ങളില്‍ അലങ്കാര സസ്യമായി വളര്ത്തുന്ന ഈ പുഷ്പത്തിന്റെ ഗുണങ്ങള്‍ നമ്മുടെ പൂര്വ്വികര്‍ നന്നായി മനസ്സിലാക്കിയിരുന്നതിനാലാണ് അവരുടെ സൌന്ദര്യ വര്ദ്ധ്കവസ്തുകളില്‍ റോസാദളങ്ങള്‍ ഒഴിച്ചുകൂടാന്‍ വയ്യാത്ത ഒന്നായത്..... അരോമാ തെറാപ്പിയിലും വളരെ വ്യാപകമായി പനിനീര്‍ ദളങ്ങളും എണ്ണയും ഉപയോഗിക്കുന്നു. 

പനിനീര്‍ ദളങ്ങള്‍ ശീതളവും, ബുദ്ധിവര്ദ്ധ കവും ആണ്.... ഇതില്‍ ജീവകങ്ങളായ എ, സി, ഇ എന്നിവയും ബയോഫ്ലവനോയിട്സും കൂടാതെ നാരുകളും അടങ്ങിയിട്ടുണ്ട്.പനി മൂലം ഉണ്ടാകുന്ന തൊണ്ടവേദന, വയറിളക്കം, ചുമ എന്നിവ ഇല്ലാതാക്കാനും, രക്ത ശുദ്ധി വരുത്താനും വിഷാദം ഇല്ലാതാക്കാനും പനിനീര്പൂക്കള്ക്ക് കഴിവുണ്ട്.പനിനീര്‍ ദളങ്ങള്‍ നന്നായി അരച്ച് ചന്ദനതൈലത്തില്‍ ചാലിച്ചു ശരീരമാസകലം പുരട്ടുന്നത് പാടുകളും അടയാളങ്ങളും മാറാന്‍ നല്ലതാണ്.ശരീര ദുര്ഗന്ധം അകലാനും, ശരീരത്തിന് കുളിര്മ കിട്ടാനും കുളിക്കുന്ന വെള്ളത്തില്‍ പനിനീര്‍ ദളങ്ങള്‍ (പനിനീരും ഉപയോഗിക്കാം) ഇട്ടുവെച്ചു അത് കൊണ്ട് കുളിച്ചാല്‍ മതിയാകും.ചൂടുകാലത്ത് ശരീരത്തിനുണ്ടാകുന്ന ഉഷ്ണം ശമിക്കാന്‍ ഉണങ്ങിയ പനിനീര്‍ ദളങ്ങള്‍ അര മണിക്കൂര്‍ വെള്ളത്തില്‍ ഇട്ടുവെച്ചത് ഞെരടി അരിച്ചെടുത്തതില്‍ തേന്‍ ചേര്ത്ത് കഴിക്കുക.പനിനീര്‍ ദളങ്ങള്‍ ചര്വ്വണം ചെയ്യുന്നത് പല്ലുകള്ക്കും മോണയ്ക്കും വളരെ പ്രയോജനമാണ്.... ഇതുമൂലം മോണകളില്‍ നിന്നും രക്ത൦ വരുന്ന രോഗത്തെ തടയാനും കഴിയും.ചൂടുകാലത്തുണ്ടാകുന്ന അമിത വിയര്പ്പു് തടയാന്‍ പനിനീര്‍ ദളങ്ങള്‍ അരച്ച് ശരീരത്തില്‍ പുരട്ടിയാല്‍ മതി.... ഒപ്പം ശരീരത്തിന് കുളിര്മയും ലഭിക്കും.പനിനീര്‍ ദളങ്ങള്‍, ബദാം ചേര്ത്ത് അരച്ച് മുഖത്തിടുന്നത് മുഖസൌന്ദര്യം കൂട്ടാനും മുഖക്കുരു ഇല്ലാതാക്കാനും സഹായിക്കും.പനിനീര്‍ ദളങ്ങള്‍ മഞ്ഞള്‍ ചേര്ത്ത് കഴിച്ചാല്‍ മലബന്ധം മാറും.അരച്ചെടുത്ത പനിനീര്‍ ദളങ്ങള്‍ പച്ചജീരകം പൊടിച്ചത് ചേര്ത്ത് സേവിക്കുന്നത് ഹൃദ്രോഗനിവാരണത്തിന് നല്ലതാണെന്ന് പറയപ്പെടുന്നു.പനിനീര്‍ ദളങ്ങള്‍ ചേര്ത്തുണ്ടാക്കുന്ന പാനീയങ്ങള്‍ നല്ലൊരു ദാഹശമിനിയും ഒപ്പം ചുമ ഇല്ലാതാക്കുകയും ചെയ്യും.... സാലടുകളിലും പനിനീര്‍ ദളങ്ങള്‍ ഉപയോഗിക്കാം.ദിനവും പനിനീര്‍ ദളങ്ങള്‍ കഴിക്കുന്നത്‌ രോഗപ്രതിരോധ ശക്തി കൂട്ടും.. റോസ് ടീയും ശരീരത്തിന് വളരെ നല്ലത് എന്ന് പറയപ്പെടുന്നു. പനിനീര്‍ ദളങ്ങള്‍ വാറ്റിയാണ് റോസ് ഓയിലും പനിനീരും നിര്മ്മിക്കുന്നത്.... പനിനീര്‍ ദളങ്ങളില്‍ നിന്നും ജാമും വൈനും നിര്മ്മിക്കുന്നുണ്ട്.